II Pot 4:36 - Sơ̆p Hlabơar Nơ̆r 'Bok Kei-Dei

³⁶ Na Êlisê krao hloi Gêhasi, na khan: “Ih krao bơngai drŏ-kăn Pơlei Sunem noh tơ âu.” Gêhasi krao hĭ duch ei. Duch ei kơdâu tơkan tơ sư, na sư khan kơ duch ei: “Iŏk pôk kon ih bĕ.”

II Pot 4:36 ပူးပေါင်းရင်းမြစ်များ

I Pot 1:3

Thoi noh lu sư chă minh 'nu adruh 'lơ̆ng guăng đơ̆ng lăm dêh char Isơrael, lu sư chă 'bôh minh 'nu adruh anăn sư Abisak, bơngai Sunami păng chông ba sư năm tơ pơtao.

I Pot 17:23

Êli glơng bơngai 'lơ̆p 'noh đơ̆ng anih kơpal jur tơ ala, jao bơngai 'lơ̆p 'noh kơ mĕ sư păng khan, “ih lăng âu kon ih arih bơih.”

II Pot 4:35

Êlisê jur, nơnăm 'ma 'ngiĕo lăm anih ei, đơ̆ng noh hơlơ̆k tŏk kơpal giơng lăm ei dơ̆ng tuch-luch sư, 'lơ̆p ei kơseh tơpơh 'măng păng măt sư lar hloi.

II Pot 4:37

Duch ei năm truh, drap 'bơ̆t jơ̆ng sư, păng kŭp muh măt tơ teh, pôk iŏk kon sư na lĕch tơ 'nguaih.

II Pot 6:7

păng athei: “Iŏk sung ih wăi!” Na bơngai noh 'mơn iŏk pla sung 'noh hloi.

II Pot 8:1

Êlisê khan kơ bơngai drŏ-kăn mĕ bơngai 'lơ̆p drŏ-nglo đêl sư tơiung arih ki 'noh: “Iung bĕ, chông hnam dơnŏ ih jăk tơ anih ayơ mă iĕm gơh oei, yua kơ Kră Yang wă ăn kơ dêh char Isơrael pơngot rơwĕt lăm tơpơh sơnăm.”

Luka 7:15

Gruih sư iung tơoei păng pơma. Đơ̆ng noh Yêsu pơjao ăn kơ mĕ sư.

Hêbrơ 11:35

Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.