II Pot 4:35 - Sơ̆p Hlabơar Nơ̆r 'Bok Kei-Dei

³⁵ Êlisê jur, nơnăm 'ma 'ngiĕo lăm anih ei, đơ̆ng noh hơlơ̆k tŏk kơpal giơng lăm ei dơ̆ng tuch-luch sư, 'lơ̆p ei kơseh tơpơh 'măng păng măt sư lar hloi.

II Pot 4:35 ပူးပေါင်းရင်းမြစ်များ

I Pot 17:21

Đơ̆ng noh sư brom kơpal bơngai 'lơ̆p 'noh pêng wơ̆t păng krao khan kơ Kră Yang: “Ơ Kră Yang 'Bok Kei-Dei inh! Apinh Ih ăn bơhngol bơngai 'lơ̆p 'nâu wih mơ̆t lăm akâu sư dơ̆ng.”

I Pot 17:22

Kră Yang mơ̆ng păng tơl tơwih nơ̆r Êli krao khan; bơhngol bơngai 'lơ̆p 'noh mơ̆t dơ̆ng tơ lăm akâu sư na sư iung arih dơ̆ng.

I Pot 18:43

Sư khan kơ đam sư: “Ih năm lăng tơ gah đak dơsĭ.” Đam sư tŏk lăng, păng khan: “Inh ưh kơ đei 'bôh kiơ.” Êli khan dơ̆ng: “Ih athei năm dơ̆ng tơ noh tơpơh wơ̆t.”

II Pot 13:21

Kơplah, đe năm 'bŭ minh 'nu bơngai lôch, 'bôh khŭl linh ei wă tơblah, na lu sư atat lê̆ atâu ei lăm bơsat Êlisê na kơdâu ôn. Lăp atâu bơngai lôch ei hơtŭt 'bơm kơting Êlisê, na bơngai lôch ei arih dơ̆ng păng gruih iung hloi.

II Pot 4:36

Na Êlisê krao hloi Gêhasi, na khan: “Ih krao bơngai drŏ-kăn Pơlei Sunem noh tơ âu.” Gêhasi krao hĭ duch ei. Duch ei kơdâu tơkan tơ sư, na sư khan kơ duch ei: “Iŏk pôk kon ih bĕ.”

II Pot 5:10

Êlisê wơh bơngai jang kơ sư khan kơ Naaman thoi âu: “Năm tơ đak krong Jôrđăn môch hum akâu ih tơpơh wơ̆t, lei rơka jĭ chin ih dih gô klaih rơgoh đĭ.”

II Pot 5:14

Na Naaman jur hĭ lăm đak krong Jôrđăn păng môch tơpơh wơ̆t kiơ̆ thoi Êlisê bơngai mă 'Bok Kei-Dei yua noh athei sư. Sư klaih hloi kơtă ei, păng akar sư jing lei-lăi dang thoi so dơ̆ng, akar sư thoi akar nge.

II Pot 8:1

Êlisê khan kơ bơngai drŏ-kăn mĕ bơngai 'lơ̆p drŏ-nglo đêl sư tơiung arih ki 'noh: “Iung bĕ, chông hnam dơnŏ ih jăk tơ anih ayơ mă iĕm gơh oei, yua kơ Kră Yang wă ăn kơ dêh char Isơrael pơngot rơwĕt lăm tơpơh sơnăm.”

II Pot 8:5

Gêhasi oei roi ăn kơ pơtao mơ̆ng thoi yơ Êlisê hlôi tơiung arih minh 'nu bơngai đơ̆ng lôch, na blư bơngai drŏ-kăn mĕ bơngai 'lơ̆p mă đêl Êlisê tơiung arih noh truh, sư apinh pơtao ăn kơ sư gơh đei iŏk dơ̆ng hnam păng mir chŭn sư. Gêhasi khan: “Ô yŏng tơ'ngla ĭnh, duch 'nâu bơih păng 'nâu kon drŏ-nglo sư mă đêl Êlisê tơiung arih ki.”

Luka 8:55

Bơhngol sư wih hloi na sư gruih iung. Đơ̆ng noh Yêsu athei mĕ sư sŏ ăn kơ kon adruh sư ei tơmam sŏng sa.

Jang 9:40

Pêtrôs athei lu sư lĕch đĭ-đăng đơ̆ng lăm hnam ei. Pêtrôs sư sơtơ̆p kŭl-tăng krao khan kơ Kră Yang. Đơ̆ng noh sư iung glĕch akâu sư kơdih, hue lăng atâu ei. Sư khan: “Ơ Đêka, iung bĕ.” Đơ̆ng noh yă Đêka lar măt păng 'bôh hloi Pêtrôs. Yă Đêka iung đơ̆ng 'bĭch tơoei 'bơ̆t anih sư.