II Pot 4:31 - Sơ̆p Hlabơar Nơ̆r 'Bok Kei-Dei

³¹ Gêhasi năm adrol kơ bre sư păng dan 'long jra 'bơ̆t muh măt bơngai 'lơ̆p ei. Mă-lei 'nhŏ kơtơ̆ng kiơ hloi, kư̆m ưh kơ 'bôh tơdra kiơ wă tơbăt khan “Bơngai 'lơ̆p ei arih.” Sư wơ̆t tơ rŏng tơ'bơ̆p Êlisê păng khan: “Bơngai 'lơ̆p 'noh ưh pă hơdơ̆r hloi bơih.”

II Pot 4:31 ပူးပေါင်းရင်းမြစ်များ

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

II Pot 4:32

Lăp Êlisê mơ̆t lăm hnam; 'bôh 'lơ̆p ei lôch, arăng đĭ bơih, 'bĭch kơpal giơng sư.

II Pot 5:20

Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

II Pot 8:1

Êlisê khan kơ bơngai drŏ-kăn mĕ bơngai 'lơ̆p drŏ-nglo đêl sư tơiung arih ki 'noh: “Iung bĕ, chông hnam dơnŏ ih jăk tơ anih ayơ mă iĕm gơh oei, yua kơ Kră Yang wă ăn kơ dêh char Isơrael pơngot rơwĕt lăm tơpơh sơnăm.”

Jop 14:12

Kon bơngai lôch bơih ưh pă arih dơ̆ng. Dĭng truh tơ plĕnh teh ưh pă đei kon bơngai kư̆m tam mă iung arih 'mơ̆i. Ưh kơ đei bu mă gơh râu tơiung sư đơ̆ng lôch.

Êsêkiên 14:3

“Ơ kon bơngai, lu bơngai âu 'măn boih rup yang lăm jơhngơ̆m lu sư păng dan tơdrong yoch 'bơ̆t anăp muh măt wă pơm kơ lu sư kơtơih. Inh wă lê̆ kơ lu sư krao apinh Inh ưh?

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Markôs 5:39

Yêsu mơ̆t tơ lăm hnam ei khan kơ đe: “Iĕm mah nhơ̆m hmoi ơh kơ kiơ mah tơjrông tơjrang mang? Bơngai âu ưh kơ lôch ôh, sư tep đĕch.”

Yo 11:11

Klaih kơ noh Yêsu khan thoi âu dơ̆ng: “Lasarơ bơngai mă juăt păng bơ̆n, sư oei tep na Inh wă năm râu sư dang ei.”

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

I Sam 14:37

Sôl krao apinh Kră Yang 'Bok Kei-Dei: Inh hăm gơh jur druh lu bơngai Philistin ưh? Ih hăm pơjao lu sư lăm ti bơngai Isơrael ưh? Mă-lei Kră Yang 'Bok Kei-Dei ưh kơ đei tơl lăm năr noh.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.