II Pot 4:25 - Sơ̆p Hlabơar Nơ̆r 'Bok Kei-Dei

²⁵ Thoi noh, duch ei năm truh tơ Êlisê bơngai mă Kră Yang 'Bok Kei-Dei yua, tơ kông Karmel. Êlisê tơmang 'bôh duch ei đơ̆ng ataih, na sư khan kơ Gêhasi, bơngai đam sư: “To bơngai drŏ-kăn Sunem truh tơ âu.”

II Pot 4:25 ပူးပေါင်းရင်းမြစ်များ

I Pot 18:19

Thoi noh ih athei bĕ đe năm krao akŭm đĭ-đăng lu bơngai Isơrael, tơ'bơ̆p inh tơ kông Karmel păng puăn-hrĕng pơđăm-jĭt 'nu lu bơngai khan lê̆ adrol gah yang Baal, păng puăn-hrĕng 'nu lu bơngai khan lê̆ adrol yang Asêra păng lu bơngai sŏng sa tơ gơ'bang Jêsebel.

I Pot 18:42

Na Ahap tŏk năm sŏng sa păng et, Êli tŏk tơ kơpal kông Karmel, kŭp tơ teh, muh măt sư kŭp sơlam 'bar pah kŭl-tăng sư.

II Pot 1:9

Pơtao wơh hloi minh 'nu yŏng linh chông pơđăm-jĭt 'nu linh sư năm tơ Êli, kơplah noh Êli oei ngôi kơpal wĕch kông. Yŏng linh ei khan kơ sư: “Ơ bơngai mă Kră Yang 'Bok Kei-Dei yua, pơtao wă kơ ih jur.”

II Pot 2:25

Đơ̆ng Bethel noh, Êlisê năm truh tơ kông Karmel; na đơ̆ng anih noh sư hơlơ̆k brŏk tơ Pơlei Samari.

II Pot 4:24

Duch ei athei đam sư hao aseh păng khan kơ đam sư: “Ih jah ba inh mă tĕnh tĕnh, dĭng mưh inh athei dơ̆ng lei ih dơ̆ng.”

II Pot 4:26

Ih kơdâu sơng sư năm! Păng ih jet sư: “Hăm oei hiôk 'lơ̆ng ngăl ưh? Klo ih hăm oei hiôk 'lơ̆ng ưh? Kon ih hăm oei hiôk ưh?” Duch ei tơl: “Oei hiôk 'lơ̆ng mơ̆n!

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

II Pot 5:20

Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

II Pot 8:4

Kơplah 'noh, pơtao oei pơma dơnuh hăm Gêhasi đam Êlisê bơngai mă 'Bok Kei-Dei yua pơtao jet: “Ih athei roi ăn kơ ĭnh tôm tơdrong tih mă Êlisê pơm bơih.”

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.