II Pot 4:2 - Sơ̆p Hlabơar Nơ̆r 'Bok Kei-Dei

² Êlisê khan kơ duch ei: “Lei inh gơh tơgŭm ih kiơ? Ih roi lăng kơ inh, ih đei đăi tơmam kiơ lăm hnam?” Duch ei tơl: “Lăm hnam nhôn, tơmam nai kơbĭ đei yă kiơ hloi bơih, pă minh bô̆i đak rơmă ôliwơ đĕch bơih.”

II Pot 4:2 ပူးပေါင်းရင်းမြစ်များ

I Pot 17:12

Drŏ-kăn adro ei tơl: “Đei Kră Yang 'Bok Kei-Dei ih oei arih băt, inh ưh pă đei minh pôm 'bĕng. Inh oei pă minh chup tơpŭng lăm ge păng đak rơmă kư̆m dai oei tŏ sĕt lăm getchai. 'Nâu inh chă dônh minh 'bar tŏ 'long ŭnh, wă brŏk pơm ăn kơ nhi kon drŏ-nglo inh 'bĕng; wă sa pơtôch, na nhi gô lôch đĕch bơih.”

II Pot 2:9

Lăp bre sư tŏk hlôi bơih, Êli khan kơ Êlisê: “Roi kơ inh bĕ: Ih wă kơ inh pơm kơ ih tơdrong kiơ, adrol kơ Kră Yang pôk iŏk inh tŏk tơ plĕnh tơklah đơ̆ng ih” Êlisê tơl khan: “Ơ 'bok thây, apinh ăn kơ inh yang bơhngol đơ̆ng ih hơtŭt lăm inh thim 'bar wơ̆t kơ noh dơ̆ng.”

II Pot 4:3

Êlisê khan kơ duch ei. “Ih chă mưng bô̆i hoh đơ̆ng bơngai anê̆ cham, ih 'nĕ kơ mưng tŏ sĕt hŏ!

Le 4:2

Kră Yang khan: Ti ih chĕp kiơ? Môis tơl khan: Minh pôm 'long jra.

Mathiơ 15:34

Na Yêsu jet lu sư: “Iĕm đei dôm tŏ 'bĕng mi? Chĕp ba ăn kơ Inh tơ âu.” Lu sư khan: “Lăp tơpơh tŏ păng 'bar pêng găr ka.”

Jang 3:6

Mă-lei Pêtrôs khan kơ sư: “Inh ưh kơ đei jên ôh, mă-lei inh tơgŭm ih. Yua anăn Yêsu Krist Pơlei Nasaret, yak bĕ.”

II Kor 6:10

Đe lăng nhôn đei tơdrong sơ'ngon, mă-lei nhôn hiôk chơt ling-lang; đe lăng nhôn bơngai dơnuh, mă-lei đei lơ bơngai mơdrŏng yua kơ nhôn; đe lăng nhôn hoh-hoy kơbĭ đei kiơ, mă-lei nhôn đei tôm tơdrong tơmam.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.