II Pot 4:14 - Sơ̆p Hlabơar Nơ̆r 'Bok Kei-Dei

¹⁴ Êlisê khan dơ̆ng kơ Gêhasi đam sư: “Lei ba wă tơgŭm lu sư kiơ?” Gêhasi tơl: “Duch âu sư ưh kơ đei kon drŏ-nglo ôh, na klo sư kư̆m đĭ kră bơih tăm.”

II Pot 4:14 ပူးပေါင်းရင်းမြစ်များ

Bl 17:17

Abraham drap bon tơ teh, hiĕk păng khan lăm to thoi âu: “Ô 'bônh ah bơngai kah minh-hrĕng sơnăm boih, na gơh pơjing kon dơ̆ng? Gah Sara, sư tơsĭn-jĭt, gô đei hơ'lơ̆p hă?”

Bl 25:21

Isăk krao apinh Kră Yang kơ akăn sư, yua kơ akăn sư hơwŏng. Kră Yang lăp đon kơ nơ̆r krao khan apinh noh, na ăn kơ Rê'bêka anăp.

Bl 30:1

Rachel lăng 'bôh kơdih akâu ưh kơ đei pơjing kon hơ'lơ̆p ăn kơ Jakôp, na lăm jơhngơ̆m sư areh kơ mŏ sư Lêa, sư khan kơ Jakôp thoi âu: Ăn bĕ kơ inh đei hơ'lơ̆p, tơdah ưh, inh lôch.

II Pot 4:13

Êlisê khan kơ đam sư: “Ih khan kơ duch 'noh: Ih hiơ̆k hơmet ăn kơ nhi dôm tơmam 'nâu bơih na nhi pơm kiơ wă tơgŭm ih? Ih hăm wă kơ nhi pơma tơgŭm ih, apinh pơtao dah 'bok tih linh tơdrong kiơ ưh?” Duch ei tơl: “Inh oei arih hiôk hăm kon pơlei pơla inh.”

II Pot 4:15

Êlisê khan: “Krao sư tơ âu:” Gêhasi krao duch ei, duch ei năm dơ̆ng 'bơ̆t 'măng.

Luka 1:7

Mă-lei bre sư ưh kơ đei hơ'lơ̆p yua kơ Êlisabet bơngai hơwŏng. Bre sư kư̆m kră ngăl boih.

Lu 13:2

Đei minh 'nu bơngai pơlei Sôra đơ̆ng lăm adrĕch adrung Đan, anăn sư Manôa. Akăn sư bơngai hơwŏng, ưh kơ đei kon.

I Sam 1:2

Sư đei 'bar 'nu akăn; minh 'nu anăn sư Hana, minh 'nu nai anăn sư Pênina. Pêninia đei kon hơ'lơ̆p mă-lei An ưh kơ đei hơ'lơ̆p.

I Sam 1:8

Êlkana klo sư khan kơ sư, ơ Hana, yua kơ kiơ ih nhơ̆m? Hăm yua kơ kiơ ih ưh kơ sŏng sa? Yua kơ kiơ jơhngơ̆m ih sơ'ngon? Liơ ih đei inh bơih ưh kơ gĭt hloh kơ đei mơjĭt 'nu kon drŏ-nglo hă?