II Pot 3:27 - Sơ̆p Hlabơar Nơ̆r 'Bok Kei-Dei

²⁷ Na sư iŏk kon tơdăm kơdră sư, bơngai mă wă pơgơ̆r pơtrơp đơ̆ng sư, pơyơ̆r sư pơm tơmam soi 'buh kơpal dur pơlei. Na đei hloi tơdrong hil mĭl tih kơ lu bơngai Isơrael, na lu sư weh jăk đơ̆ng pơtao Môap, brŏk tơ dêh lu sư kơdih.

II Pot 3:27 ပူးပေါင်းရင်းမြစ်များ

Bl 22:13

Abraham ngơk hue 'bôh đei minh pôm kon triu tơno tơ rŏng sư oei đom kơ hơmŭl 'long, na sư rôp iŏk triu 'noh 'buh pơm tơmam pơyơ̆r tơplih kơ kon sư.

Bl 22:2

Kră Yang 'Bok Kei-Dei khan thoi âu: “Rôp bĕ Isăk kon pôm ih mă 'mêm kơeng păng năm tơ tơring Môria, tơ anih noh ih pơyơ̆r kon ih pơm tơmam soi 'buh tơ minh anih kơpal kông to mă Inh gô tơ'bôh kơ ih.”

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

I Pot 20:43

Pơtao Isơrael brŏk tơ hnam sư kơdih, lăm char Samari, jơhngơ̆m sư blĕk ơh hơ'ngon ưh pă băt dang yơ.

II Pot 3:26

Pơtao lu bơngai Môap mơn kơdih sư tơblah pă kĕ bơih, na sư chông ba lu linh kiơ̆ sư tơpơh-hrĕng 'nu chĕp đao gưm wă pơih trong drŭt năm tơ pơtao Eđôm; mă-lei ưh kơ kĕ ôh.

Êsêkiên 16:20

Ih kư̆m rôp lu kon drŏ-nglo kon drŏ-kăn ih, mă ih tơpŭ kơ Inh, năm pơyơ̆r ăn kơ lu rup yang noh sa. Dôm tơdrong pơm pơyô kư̆ kă bơih, noh ưh tam mă tôm mă

Am 2:1

Kră Yang khan: Yua kơ đơ̆ng kon pơlei Môap pơm yoch rai hloh kơ adrol, thoi ei na inh ưh kơ lê̆ ôh wă phak lu sư; yua kơ sư đei soh boih kơting pơtao char Eđôm wă pơm chŭr.

Mi 6:7

Hăm trŏ Kră Yang lăp đon rơbâu tŏ triu tơno, dah hơngan glung đak rơmă ôliwơ ưh? Hăm trŏ inh pơyơ̆r kon kơdră inh yua kơ inh pơm glăi păng plei đơ̆ng blu pôih inh yua kơ tơdrong yoch hăm bơhngol inh?

Both 12:31

'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

Lu 11:31

mưh inh brŏk đơ̆ng tơblah hăm kon pơlei Ammôn jei inh, bơngai bu mă lĕch đơ̆ng 'măng hnam inh, sơng inh. Bơngai 'noh gah Kră Yang, inh gô pơyơ̆r sư pơm tơmam soi 'buh ăn kơ Ih.

Lu 11:39

Truh đĭ 'bar khei, sư wih wơ̆t brŏk tơ 'bă sư; đơ̆ng noh 'bă sư pơm kơ kon sư kiơ̆ kơ nơ̆r sư đei pơkă pơkăm boih. Kon adruh sư oei hơlai hơnĭl ưh tam băt kơ drŏ-nglo ôh. Yua kơ đơ̆ng noh lu bơngai Isơrael sư đei tơdrong juăt: