II Pot 3:25 - Sơ̆p Hlabơar Nơ̆r 'Bok Kei-Dei

²⁵ Lu bơngai Isơrael blah pơrăm lơ lu pơlei tih, lu sư dônh tơmo hơtat 'bŭ lê̆ chŭn teh 'lơ̆ng, chĭt lê̆ dôm lu tu đak păng kăl pơđĭ dôm lu 'long 'lơ̆ng. Oei pă pôm lu dur pơlei Kir Harêsêt đĕch oei đei tơmo. Na lu linh mă iŏk tơmo noh kư̆m drŭt blah klơ̆m pơrăm lu dur noh mơ̆n.

II Pot 3:25 ပူးပေါင်းရင်းမြစ်များ

Bl 26:15

Na hơdôm tŏ sơlŭng đak mă đơ̆ng đĭch đam Abraham, sir sơ̆, dang ei lu kon pơlei Philistin 'bŭ pơđĭ.

Bl 26:18

Isăk sư sir ming hơdôm tŏ sơlŭng đak đơ̆ng đe đei sir boih lăm chăl Abraham, 'bă sư, mă đêl lu kon tơring Philistin 'bŭ lê̆ đĭ đơ̆ng rŏng kơ Abraham lôch păng anăn lu sơlŭng đak noh kiơ̆ thoi 'bă sư anăn sơ̆.

II Sam 8:2

Sư kư̆m blah bơngai Môap jei sư, rôp athei lu sư 'bĭch sap tơ teh na iŏk tơlei pơtŏ, mưh 'bar jăl tơlei pơlôch, minh jăl tơlei ăn arih, thoi noh bơngai Môap athei chu jang păng ăn thuê̆ kơ Đawit.

II Pot 3:19

Gô jei iĕm pơrăm đĭ-đăng lu pơlei tih, kơđông kơjăp, lu pơlei tih rŏ kăl pơđĭ dôm lu 'long sa plei 'lơ̆ng, bơ̆ găn lê̆ lu tu đak păng iŏk tơmo hơtat pơrăm đĭ dôm lu chŭn teh 'lơ̆ng.”

II Pot 3:24

Mă-lei lăp lu sư năm truh tơ anih linh Isơrael lu bơngai Isơrael iung blah lu bơngai Môap, lu bơngai Môap tơrơ, kơdâu 'bơ̆t anăp lu bơngai Isơrael. Lu bơngai Isơrael iung druh blah 'moi lu bơngai Môap truh tơ dêh lu sư, blah pơlôch lu sư tơ noh.

II Pot 3:26

Pơtao lu bơngai Môap mơn kơdih sư tơblah pă kĕ bơih, na sư chông ba lu linh kiơ̆ sư tơpơh-hrĕng 'nu chĕp đao gưm wă pơih trong drŭt năm tơ pơtao Eđôm; mă-lei ưh kơ kĕ ôh.

II Ho 32:4

Kon pơlei đei akŭm băl lơ tơpă, bơ̆ găn lê̆ lu tu đak ro rok tơring păng khan: “Liơ lu bơ̆n lê̆ lu pơtao Asiri năm chă 'bôh đak lơ dêh?”

Êsai 15:1

Nơ̆r khan lê̆ adrol gah Môap, ô, pơlei tih Ar lăm char Môap pơchah răm lăm minh măng. Lăm minh măng pơlei Kir lăm char Môap pơchah pơchek đĭ!

Êsai 16:11

Jơhngơ̆m inh hmoi kơ Môap thoi brŏ reh sơ'ngon, jơhngơ̆m inh ơh kơ pơlei Kirhêres kư̆m lei-lăi mơ̆n.

Êsai 16:7

Yua kơ noh bơih lu bơngai Môap gô nhơ̆m hmoi; đĭ-đăng lu sư nhơ̆m hmoi kơ Môap, nhơ̆m bĕ, tơtok ơh sơ'ngon bĕ, kơ 'bĕng plei hơmu pơlei Kir Harêsat!

Je 48:31

Thoi noh Inh gô nhơ̆m hmoi kơ char Môap, Inh nhơ̆m ôr yua kơ kon pơlei Môap. Inh nhơ̆m hơdrĭ ơh sơ'ngon kơ kon pơlei Kir Hareset.

Je 48:36

Thoi noh, jơhngơ̆m Inh hmoi ôr re thoi 'lal yua kơ char Môap; Inh kư̆m hmoi ôr re thoi 'lal kơ lu kon pơlei Kir Hareset, mŭk tơmam lu sư mong răk hiong đĭ boih.

Both 2:9

Kră Yang khan kơ inh: 'Nĕ kơ ayăt păng 'nĕ kơ tơblah hăm lu kon pơlei Môap; yua kơ Inh ưh kơ đei ăn kơ iĕm ôh dêh âu wă bơ̆jang sa, Inh ăn boih pơlei Ar kơ kon sâu Lot bơ̆jang sa.

Lu 9:45

Abimêlek blah kon pơlei noh prăt năr, blah iŏk jei păng pơlôch đĭ lu bơngai oei lăm pơlei noh, na teh pơchah pơrăm đĭ pơlei păng săi 'boh jơ̆p-jang lăm pơlei noh.