II Pot 3:22 - Sơ̆p Hlabơar Nơ̆r 'Bok Kei-Dei

²² Năr đơ̆ng rŏng, lu bơngai Môap iung đơ̆ng hrôih, 'năr pơchrang tơ đak, lu bơngai Môap 'bôh đak 'bơ̆t anăp lu sư 'breo thoi pham.

II Pot 3:22 ပူးပေါင်းရင်းမြစ်များ

II Pot 3:21

Lăp lu bơngai Môap kơtơ̆ng băt lu pơtao noh năm wă blah lu sư, na lu sư krao akŭm pơpôi đĭ-đăng đơ̆ng 'lơ̆p truh tơ kră dôm lu bơngai mă gơh yua tơmam tơblah, năm dơ̆ng 'bơ̆t sơlam dêh char lu sư wă tơblah.

II Pot 3:23

Na lu sư ôr khan: “'Noh pham bơih, băt jơ̆ pêng 'nu pơtao tơblah tơ'bet băl tơduă bơih 'noh. Dang ei, ơ lu bơngai Môap, mơ̆t blah iŏk mŭk tơmam bĕ.”

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”