II Pot 3:2 - Sơ̆p Hlabơar Nơ̆r 'Bok Kei-Dei

² Sư pơm kơnê̆ 'bơ̆t anăp Kră Yang, mă-lei sư ưh kơ lei-lăi thoi mĕ 'bă sư sơ̆ ôh, yua kơ sư hŭt lê̆ rup yang Baal đơ̆ng 'bă sư man pơdơ̆ng sơ̆.

II Pot 3:2 ပူးပေါင်းရင်းမြစ်များ

I Pot 16:19

'Noh yua kơ đơ̆ng tơdrong yoch sư pơm, pơm tơdrong kơnê̆ 'bơ̆t anăp Kră Yang, rok kiơ̆ trong Jêrôbôam, kơdih akâu sư pơm yoch păng pơm ăn kơ Isơrael jing yoch kiơ̆.

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

II Pot 10:18

Jêhu pơpôi đĭ-đăng kon pơlei păng khan kơ lu sư: “Ahap kơkuh jang kơ yang gah Baal tŏ sĕt dêh: Inh Jêhu gô kơkuh jang ăn kơ yang Baal lơ hloh.”

II Pot 21:20

Sư pơm tơdrong kơnê̆ 'bơ̆t anăp Kră Yang lei-lăi thoi Manase 'bă sư hlôi pơm bơih.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 9:22

Lăp 'bôh Jêhu na Jôram jet: “Ơ Jêhu, hăm trŏ kơ ih năm wă kơ hiôk-hian?” Mă-lei, Jêhu tơl khan: “Na! Mưh khan mĕ ih yă Jêsebel oei kơkuh pơm yang,a pơm pơjâu, na wă hiôk hơiă liơ gơh?”

II Pot 9:34

Jêhu mơ̆t lăm hnam, sŏng sa đang bơih na sư khan: “Iĕm năm lăng drŏ-kăn kơlĕl răm 'noh hei năm! Păng iĕm 'bŭ hơmet sư, yua kơ sư kon pơtao.”

Le 23:24

Ih 'nĕ drap kơkuh păng soi sơmah kơ lu yang lu sư, 'nĕ kơ pơm rok kiơ̆ tơdrong jang lu sư, mă-lei athei pơrăm đĭ dôm lu rup yang păng juă pơhĕch dôm lu gơ̆ng rup yang sư.

I Sam 15:19

Liơ ih ưh kơ chu pơm kiơ̆ nơ̆r Kră Yang khan? Liơ ih năm mơ̆t blah tơgar iŏk, pơm dôm tơdrong kơnê̆ 'bơ̆t anăp Kră Yang?