II Pot 3:19 - Sơ̆p Hlabơar Nơ̆r 'Bok Kei-Dei

¹⁹ Gô jei iĕm pơrăm đĭ-đăng lu pơlei tih, kơđông kơjăp, lu pơlei tih rŏ kăl pơđĭ dôm lu 'long sa plei 'lơ̆ng, bơ̆ găn lê̆ lu tu đak păng iŏk tơmo hơtat pơrăm đĭ dôm lu chŭn teh 'lơ̆ng.”

II Pot 3:19 ပူးပေါင်းရင်းမြစ်များ

Bl 21:19

Đơ̆ng noh Kră Yang 'Bok Kei-Dei tơ'bôh hloi kơ sư tơ noh đei đak sơlŭng. Sư năm sŏ 'bĕnh kơ get akar na ăn kơ kon sư nhă.

II Pot 13:17

na khan: “Pơih 'măng-'mŏk gah hơlĕch bĕ.” Na Jêhôas pơih hĭ 'măng. Êlisê khan: “Pơtao prah bĕ.” Na sư prah hloi. Kơplah ei Êlisê khan dơ̆ng: “'Noh bơih 'brơ̆m Kră Yang mă kĕ jei, 'brơ̆m mă ih blah lu bơngai Aram jei ih, lăm pơlei Aphek, dĭng ih pơrăm pơlôch lê̆ đĭ lu sư.

II Pot 3:25

Lu bơngai Isơrael blah pơrăm lơ lu pơlei tih, lu sư dônh tơmo hơtat 'bŭ lê̆ chŭn teh 'lơ̆ng, chĭt lê̆ dôm lu tu đak păng kăl pơđĭ dôm lu 'long 'lơ̆ng. Oei pă pôm lu dur pơlei Kir Harêsêt đĕch oei đei tơmo. Na lu linh mă iŏk tơmo noh kư̆m drŭt blah klơ̆m pơrăm lu dur noh mơ̆n.

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

Lu 6:16

Kră Yang khan kơ sư: Inh gô oei hơdai ih, na ih gô blah kon pơlei Miđian jei ih thoi ih blah minh 'nu bơngai.

I Sam 15:3

Thoi noh, na năm bĕ blah kon pơlei Amalek păng pơlôch pơđĭ lu sư sem dơrong lu sư. Lu iĕm ưh kơ gơh mơnat kơ lu sư, athei pơlôch đĭ drŏ-nglo drŏ-kăn, păng lu 'lơ̆p lu nge oei mŏm, rơmo triu, lăk-đa păng aseh iĕ.

I Sam 23:2

Đawit krao apinh Kră Yang: Inh hăm gơh blah lu bơngai Philistin 'nâu? Kră Yang tơl Đawit khan: Năm bĕ, blah bơngai Philistin păng dŏng kon pơlei Kêila.