II Pot 3:14 - Sơ̆p Hlabơar Nơ̆r 'Bok Kei-Dei

¹⁴ Na Êlisê khan: “Inh pơkă 'bơ̆t anăp Kră Yang tih hloh, Sư arih ling-lang Tơ'ngla mă inh bơ̆jang, tơdah inh ưh kơ chu yom kơ Jêhôsaphat, pơtao đe Juđa, inh ưh kơ wă lăng ih ôh, păng kư̆m ưh kơ wă sơng ih mơ̆n.

II Pot 3:14 ပူးပေါင်းရင်းမြစ်များ

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 18:15

Êli tơl: “Inh dơ̆ng 'bơ̆t anăp Kră Yang tih hloh oei arih, inh gô tơ'bơ̆p Ahap năr 'nâu.”

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

II Pot 5:16

Mă-lei Êlisê tơl khan: “Inh pơkă hăm Anăn Kră Yang mă arih ling-lang, tơ'ngla mă inh bơ̆jang, inh ưh kơ iŏk yă kiơ ôh.” Naaman lung athei Êlisê iŏk, mă-lei Êlisê pơjăng ưh kơ iŏk.

Horiso 15:4

Sư areh kơ bơngai pơm kơnê̆, Mă-lei sư pơyom kơ lu bơngai mă chu yom kơ Kră Yang; Sư pơkă, ưh kơ đei tơplih ôh, mă khan đei tơdrong răm kơ akâu sư ră;

Je 1:18

Âu, năr 'nâu, Inh ăn kơ ih thoi minh pôm pơlei kơjăp, jrăng hăm mam, man dur hăm kong, wă tơblah hăm đĭ-đăng lu dêh char, hăm lu pơtao dêh Juđa, hăm lu 'bok soi, hăm lu kon pơlei pơla.

Mathiơ 22:16

Lu sư wơh buăl lu sư năm hơdai khŭl pơtao Hêrôt năm jet Yêsu thoi âu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang.