II Pot 25:9 - Sơ̆p Hlabơar Nơ̆r 'Bok Kei-Dei

⁹ Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

II Pot 25:9 ပူးပေါင်းရင်းမြစ်များ

I Pot 9:7

lei Inh gô pơpuh tơweh lu sư đơ̆ng dêh char mă Inh ăn bơih kơ lu sư oei; klaih kơ noh inh gô pơrăm hŭt lê̆ Hnam akŭm 'lơ̆ng rơgoh mă Inh 'măn anăn Inh, păng lu bơngai Isơrael đe gô pơrăm che bơle hiĕk achơ̆ kơ lu sư 'bơ̆t anăp kon bơngai lăm teh đak 'nâu.

I Pot 9:8

Hnam akŭm 'nâu, jing rơ̆m rĕk, rim 'nu bơngai năm rok trong Hnam akŭm 'noh lăng hlĭch, păng apinh tơduă khan; Yua kơ kiơ Kră Yang pơm kơ dêh char 'nâu păng Hnam akŭm 'nâu thoi âu.”

II Ho 36:19

Lu linh Babilôn soh hnam Kră Yang 'Bok Kei-Dei, teh pơchah lê̆ dur pơlei Jêrusalem, soh đĭ hnam pơtao păng pơrăm đĭ lu tơmam kăl yua lăm pơlei.

Esơra 5:12

Mă-lei 'bok yă lu nhôn ưh kơ chu Kră Yang 'Bok Kei-Dei plĕnh teh, na Sư jao lu nhôn tơ lăm ti Nebukatnessar, pơtao Babilôn, bơngai Kalđê; pơtao ei sơ̆ pơrăm hnam akŭm âu păng rôp kon pơlei chông ba tơ dêh Babilôn.

Horiso 79:1

Ơ Kră Yang 'Bok Kei-Dei, lu bơngai tơmoi blah iŏk boih teh đak Ih. Pơm mơgrĭ kơ hnam akŭm Ih păng pơm kơ Jêrusalem hĕch hoch đĭ.

Êsai 64:9

Ơ Kră Yang, apinh Ih 'nĕ kơ hil dêh hnang 'nĕ pă 'blŏk tơdrong yoch kơnê̆ lu nhôn ling-lang! 'Nâu apinh Ih lăng lu nhôn thoi kon pơlei Ih ngăl!

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Je 34:2

Kră Yang 'Bok Kei-Dei Isơrael khan: “Năm roi bĕ kơ Sêđekia, pơtao đe Juđa, 'nâu Kră Yang khan: Inh wă jê̆ jao pơlei tih âu lăm ti pơtao Babilôn, sư gô iŏk ŭnh soh pơlei.

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 37:10

Mă khan lu iĕm tơblah hăm lu linh Kalđê, jei lu iĕm ră mă lăm lu sư oei pă dôm 'nu lu bơngai rơka đĕch, lu sư gô lĕch dơ̆ng lăm bơsŭn iŏk ŭnh soh pơlei 'nâu.”

Je 37:8

Lu linh Kalđê gô hơlơ̆k tơ âu, wang blah pơlei âu, lu sư blah iŏk pơlei âu păng soh pơlei âu.

Je 39:8

Bơngai Kalđê iŏk ŭnh soh hnam pơtao, đĭ hnam kon pơlei păng teh pơchah lê̆ dur pơlei Jêrusalem.

Je 41:5

đei tơhngam-jĭt 'nu bơngai drŏ-nglo hơkôih sŏk kang hek hơbĕn ao, raih akâu lu sư kơdih hăm săng, lu sư năm đơ̆ng pơlei Sichem, Silô păng Samari, chĕp ba lu tơmam phe 'ba păng lu tơmam 'bâu phu wă năm pơyơ̆r tơ hnam Kră Yang.

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Je 7:14

Na tơdrong kiơ Inh đei pơm boih kơ pơlei Silô Inh gô pơm kơ hnam âu, hnam krao Anăn Inh, hnam mă lu iĕm gơnang Inh gô pơm lei-lăi kơ anih mă Inh đei ăn boih kơ lu iĕm păng lu 'Bok yă iĕm.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

Nhom 2:7

Kră Yang hŭt lê̆ boih gơ'bang soi păng kư̆m achăng lê̆ anih rơgoh Sư. Sư jao boih hnam pơtao kơ lu ayăt, Lu sư ôr tơkĕch tơjrông tơjrang lăm hnam Kră Yang, Thoi năr đe et sa tih.

Nhom 5:18

Yua kơ kông Siôn jing juơ rơhiăng, Kŏ bri yak rok noh.

Êsêkiên 10:2

Kră Yang khan kơ bơngai hrŭk ao che 'bui: “Mơ̆t bĕ tơ sơlam tang-wang gre ala kơ chêrubim iŏk ngar ŭnh 'bĕnh kơ tơpang ti ih, đơ̆ng sơlam lu chêrubim na săi jơ̆p kơ pơlei noh”. Bơngai noh mơ̆t tơm măt inh.

Êsêkiên 16:41

Lu sư gô iŏk ŭnh soh hnam ih, phak pơmat ih 'bơ̆t anăp lu drŏ-kăn. Inh gô pơm kơ ih pă đei pơm pơyô kư̆ kă dơ̆ng păng ih ưh pă chă apah đe dơ̆ng.

Lêwi 26:31

Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Am 6:11

Yua kơ Kră Yang khan boih, lu hnam tih gô păk hơlŭng răm đĭ, hnam iĕ gô pơchah reng 'beng.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!