II Pot 25:6 - Sơ̆p Hlabơar Nơ̆r 'Bok Kei-Dei

⁶ Lu linh đe Kalđê rôp pơtao đe Sêđekia anhăk ba sư tơ pơtao đe Babilôn oei tơ Ribla; tơ noh lu sư sek tơlang pơtao.

II Pot 25:6 ပူးပေါင်းရင်းမြစ်များ

II Pot 23:33

Pharaôn Nêkô chĭt kron lê̆ sư tơ Risla, lăm dêh Hamat wă kơ sư ưh kơ đei pơgơ̆r Pơlei Jêrusalem dơ̆ng. Đơ̆ng noh sư pơgŏ athei dêh ei ra ăn kơ lu sư minh-hrĕng hlak talâng hu păng minh talâng maih.

II Pot 25:5

Mă-lei đei khŭl linh đe Kalđê druh 'moi 'bok pơtao, lu sư druh tam đei rôp pơtao tơ tơmăn glă pơlei Jêrikô; đĭ-đăng lu linh sư tơklah tơklang păng achăng lê̆ sư hơdrô̆.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Je 32:4

Gah Sêđekia, pơtao đe Juđa, sư ưh kơ gơh klaih đơ̆ng ti lu bơngai Kalđê, sĭt tơpă pơtao Babilôn gô rôp phak sư, sư gô pơma dơnuh hăm pơtao 'bơ̆t tơm măt sư 'bôh hăm măt sư kơdih.

Je 34:3

Bĕ ih kư̆m ưh kơ gơh klaih đơ̆ng ti sư; đe gô rôp ih, jao ih lăm ti sư. Ih gô 'bôh tơm măt pơtao Babilôn păng kư̆m gô pơma dơnuh hăm sư, đe gô chông ba ih tơ char Babilôn.

Je 38:23

Đĭ lu akăn tơm akăn kơnhŏng lu kon ih đe gô chông anhăk pơjao lu sư tơ bơngai Kalđê. Ih kư̆m ưh kơ gơh klaih đơ̆ng ti lu sư, đe gô jao ih kơ pơtao Babilôn na pơlei tih âu đe gô soh pơrăm.”

Je 52:9

Lu linh bơngai Kalđê rôp pơtao Sêđekia păng năm ba tơ pơtao Babilôn, tơ pơlei Riblah, lăm tơring Hamat, tơ noh pơtao Babilôn sek tơlang sư.