II Pot 25:4 - Sơ̆p Hlabơar Nơ̆r 'Bok Kei-Dei

⁴ Kơplah noh, lu linh đe Kalđê bŏk dur pơlei minh pôm bơlôh kơplah kơmăng, pơtao Juđa păng đĭ-đăng lu linh kơdâu klĕnh trong 'măng jang sơlam 'bar pah dur, jê̆ pơgar pơtao. Mă khan kơplah noh lu linh đe Kalđê oei wang pơlei ră, na lu đe pơtao kơdâu klĕnh trong tơpăt tơklă Araba.

II Pot 25:4 ပူးပေါင်းရင်းမြစ်များ

II Pot 25:5

Mă-lei đei khŭl linh đe Kalđê druh 'moi 'bok pơtao, lu sư druh tam đei rôp pơtao tơ tơmăn glă pơlei Jêrikô; đĭ-đăng lu linh sư tơklah tơklang păng achăng lê̆ sư hơdrô̆.

II Ho 32:5

Sư adrin, man tơiung ming dur mă đĭ păk hơlih lap gleh tơpă; hăm man lu hnam thôt kơpal noh! Sư kư̆m man minh tăl dur plơ̆ng tơ đaih kơ pơlei noh. Sư kư̆m man ming kơjăp Milô pơlei Đawit păng tuh hơjơ̆m lơ khêl đao tơmam tơblah.

Ne 3:15

Sallum kon drŏ-nglo Kôlhôse pơgơ̆r tơring Mispa, hơmet 'măng jang đak Hơlŭng sư man bơbŭng đei tơnang 'măng păng chơkăl kư̆m man dur dơnâu Sêlô jê̆ pơgar pơkao pơtao păng truh tơ jơ̆ng kung jur đơ̆ng pơlei Đawit.

Êsai 22:11

Lu iĕm pơm sơlŭng dơnâu plah sơlam dur pơlei wă mong iŏk đak đơ̆ng đak dơnâu so. Mă-lei iĕm ưh kơ gơnang ôh kơ Tơ'ngla pơm tơdrong noh, iĕm kư̆m ưh kơ lăng ôh tơ Tơ'ngla hơmet lê̆ wă pơm tơdrong noh đơ̆ng sơ̆.

Êsai 22:3

Đĭ-đăng lu kră pơgơ̆r lu iĕm lu sư wang kơdâu chă ôn, đe rôp chô̆ lu sư, ưh kơ đei yua hră ôh. Đe rôp đĭ bơih lu kon pơlei iĕm, mă đe đei chă 'bôh, mă khan lu sư kơdâu ataih bơih ră.

Je 32:4

Gah Sêđekia, pơtao đe Juđa, sư ưh kơ gơh klaih đơ̆ng ti lu bơngai Kalđê, sĭt tơpă pơtao Babilôn gô rôp phak sư, sư gô pơma dơnuh hăm pơtao 'bơ̆t tơm măt sư 'bôh hăm măt sư kơdih.

Je 34:3

Bĕ ih kư̆m ưh kơ gơh klaih đơ̆ng ti sư; đe gô rôp ih, jao ih lăm ti sư. Ih gô 'bôh tơm măt pơtao Babilôn păng kư̆m gô pơma dơnuh hăm sư, đe gô chông ba ih tơ char Babilôn.

Je 38:18

Mă-lei dah ih ưh kơ lĕch yơ̆r ti kơ lu bơngai pơgơ̆r Babilôn, lei pơlei tih âu lu bơngai Kalđê gô soh păng ih kư̆m ưh kơ gơh klaih đơ̆ng ti lu sư.

Je 4:17

Lu sư wang pơlei Jêrusalem kơjăp đơ̆ng puăn pah thoi đe wei mir chŭn; Yua kơ pơlei âu iung blah Inh,” Kră Yang khan.

Je 4:29

Kơtơ̆ng jơwa re lu linh hao gre aseh păng lu linh chĕp hră, rim pơlei kơdâu ôn, mơ'nah chă ôn tơ lăm bri kơdrơ̆ng, mơ'nah chă mơ̆t lăm hơgơp tơmo. Rim pơlei achăng đĭ, ưh pă đei bơngai oei.

Je 44:30

Kră Yang khan: “Inh gô jao Pharaôn Hôphra, pơtao đe Êyiptơ, lăm ti lu bơngai ayăt kơ sư păng lu bơngai chă wă pơlôch sư, thoi Inh đei jao boih Sêđekia, pơtao đe Juđa, lăm ti Nebukatnessar pơtao Babilôn, bơngai mă ayăt kơ sư păng wă pơlôch sư.”

Je 5:10

Năm rok pơgar hơmu koh pơrăm bĕ lu sư, mă-lei 'nĕ kơ kăl pơđĭ, chre hŭt lê̆ lu tơmơ̆ng dơng 'nao bluh, yua kơ lu sư ưh kơ gah Kră Yang ôh.

Nhom 1:3

Juđa năm pơm bơnă, chu iŏk pơmat kư̆m chu đe wơh pơđep. Chă oei sa tơ kon pơlei ưh pă đei pơdơh ngôi. Lu bơngai mă pơm kơnê̆ druh sư, tam tơ anih kueng.

Nhom 1:6

Kon adruh Siôn hiong đĭ boih dôm tơdrong mă đe ư-ang. Lu kră pơgơ̆r nhen thoi juei chă tơmăn 'nhĕt sa pă đei, Kơdâu pă kĕ đĭ jơhngơ̆m 'bơ̆t anăp lu bơngai druh sư.

Êsêkiên 12:12

Kon pơtao lăm lu sư gô tôi tơmam tơ hơngiĕng kơdih yak kơmăng. Lu sư bŏk bơlôh dur, sư gô lĕch trong noh. Sư gô gom muh măt wă ưh kơ 'bôh teh đak âu.

Êsêkiên 12:14

Lu bơngai oei jum dăr kơ sư păng lu linh sư, inh gô pơm kơ lu sư tơklah tơklang jơ̆p kơ puăn pah, păng Inh gô chĕp đao druh 'moi lu sư.

Êsêkiên 12:4

Chĕp ba tơmam ih kơdih thoi đe pơpuh tơjăk kơ'năr 'bơ̆t anăp lu sư; wă kơ lu sư 'bôh; kơsơ̆ ih lĕch yak 'bơ̆t anăp lu sư wă lu sư lăng, ih lĕch yak nơnăm thoi lu bơngai đe pơpuh.

Êsêkiên 33:21

Lăm năr pơđăm khei mơjĭt, sơnăm mơjĭt-'bar đơ̆ng rŏng kơ lu nhôn jing bơnă đe, đei minh 'nu bơngai klaih đơ̆ng pơlei Jêrusalem năm tơbăt kơ inh: “Pơlei Jêrusalem đe iŏk boih.”

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?