II Pot 25:3 - Sơ̆p Hlabơar Nơ̆r 'Bok Kei-Dei

³ Năr tơsĭn, khei puăn, lăm pơlei đei pơngot rơwĕt tih, kon pơlei ưh kơ đei tơmam sa.

II Pot 25:3 ပူးပေါင်းရင်းမြစ်များ

II Pot 25:2

Lu sư wang pơlei noh đunh dĭng truh tơ sơnăm mă mơjĭt-mônh, chăl pơtao Sêđekia pơgơ̆r.

II Pot 6:24

Đơ̆ng rŏng kơ lu tơdrong noh, Ben Hadat, pơtao đe Aram, pơpôi akŭm đĭ-đăng lu linh sư năm wang pơlei Samari.

II Pot 6:25

Lăm Pơlei Samari hơtai đei pơngot tih, kơplah đe wang pơlei noh đunh, dĭng mah minh pôm kơ̆l aseh iĕ đe tĕch truh tơhngam-jĭt hlak jên hu, ĭch kơtơp dang minh puăt getchai lit, kư̆m tĕch pơđăm hlak jên hu.

Êsai 3:1

Âu, Kră Yang Kră Yang Tih Hloh, gô iŏk lê̆ tơdrong dŏng păng tơgŭm dôm tơmam kăl yua đơ̆ng pơlei Jêrusalem păng char Juđa, thoi kơ tơmam sa mă lu sư gơnang păng đak mă lu sư hơmĕng.

Je 19:9

Inh gô ăn kơ lu sư 'buh sa lu kon drŏ-nglo kon drŏ-kăn lu sư kơdih, lu sư gô 'buh sa băl tơduă, lăm năr đe wang lăm năr pơmat-tat, kơplah 'bơ̆t lu bơngai mă wă pơrăm tơdrong arih lu sư.’

Je 37:21

Pơtao Sêđekia tơtă athei đe ba Jêrêmi tơ cham hnam anih đe gak, ăn kơ sư rim năr minh pôm 'bĕng mi, đơ̆ng hnam đe pơm 'bĕng lăm pơlei tih ei dĭng truh tơ tơpŭng 'bĕng lăm pơlei noh đĭ. Jêrêmi đe chĭt tơ cham hnam anih linh gak.

Je 38:2

“'Nâu Kră Yang khan: ‘Bơngai bu oei lăm pơlei âu gô lôch kơ đao gưm, pơngot rơwĕt dah lôch hơbuh. Mă-lei bơngai bu lĕch yơ̆r ti kơ lu bơngai Kalđê gô arih, sư gô pơklaih tơdrong arih sư.’ ”

Je 39:2

Lăm năr tơsĭn khei puăn sơnăm mơjĭt-mônh chăl Sêđekia pơgơ̆r dur pơchah tơblŭt.

Je 52:6

Truh năr tơsĭn khei puăn lăm sơnăm noh, đei tơdrong pơngot rơwĕt tih lăm pơlei truh tơ kon pơlei oei lăm noh tơmam sa pă đei.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Êsêkiên 7:15

Tơ 'nguaih đei đao hơlă, tơ lăm đei lôch hơbuh păng pơngot rơwĕt. Lu bơngai oei tơ 'nguaih chŭn gô lôch kơ đao hơlă, lu bơngai oei tơ lăm pơlei, gô lôch kơ pơngot rơwĕt păng lôch kơ jĭ hơbuh đĭ.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”