II Pot 25:24 - Sơ̆p Hlabơar Nơ̆r 'Bok Kei-Dei

²⁴ Gêđalia pơkă pơkăm hăm lu sư păng hăm lu linh lu sư khan: “'Nĕ kơ hli kơ lu yŏng Kalđê! Bơ̆n athei oei kơtă lăm dêh char chu kŭp kơ̆l yơ̆r ti kơ pơtao Babilôn, lei na bơ̆n gô hiôk rơnŭk.”

II Pot 25:24 ပူးပေါင်းရင်းမြစ်များ

II Sam 14:11

Drŏ-kăn ei khan dơ̆ng: “Apinh pơtao krao apinh Kră Yang 'Bok Kei-Dei ih găn wă kơ lu bơngai pơm 'mong huay kơ iung kơting ưh pă pơrăm păng pơlôch kon drŏ-nglo inh.” Pơtao tơl: “Inh pao anăn Kră Yang arih ling-lang na pơkă khan, minh ioi sŏk đơ̆ng kơ̆l kon drŏ-nglo ih gô ưh kơ đei hơlŭng tơ teh!”

II Sam 19:23

Pơtao pơkă hăm Simêi: “Ih ưh kơ đei lôch ôh.”

II Pot 25:23

Kơplah lu đe yŏng linh anăn lu sư Ismael, kon drŏ-nglo Nêthania, Jôhanan, kon drŏ-nglo 'bok Karêat, Sêraja, kon drŏ-nglo Tanhumet oei tơ pơlei Nêtôpat păng Jaasania kon drŏ-nglo Makathit păng lu linh đe ei kơtơ̆ng pơtao đe Babilôn, jao kơ Gêđalia pơm 'bok tih pơgơ̆r, na lu sư năm tơ Gêđalia tơ Pơlei Mispa.

II Pot 25:25

Lăm khei tơpơh Ismael, kon drŏ-nglo Nêthania, sâu Êlisama, sư gah adrĕch pơtao, sư năm tơ Pơlei Mispa, đei mơjĭt 'nu bơngai kiơ̆ sư blah Gêđalia păng pơlôch lê̆ sư hăm lu bơngai Juđa păng lu bơngai Kalđê mă oei hăm sư tơ Pơlei Mispa.

Je 43:6

sư kư̆m chông ba lu drŏ-nglo, drŏ-kăn, lu kon hơ'lơ̆p păng kon adruh pơtao dôm lu bơngai mă Nebusaradan, bơngai yŏng lu linh gak, pơtao oei lê̆ lu sư oei hơdai Gêđalia, kon drŏ-nglo Ahikam sâu Saphan kư̆m đei Jêrêmi bơngai khan lê̆ adrol hăm Baruk kon drŏ-nglo Nêria.