II Pot 25:13 - Sơ̆p Hlabơar Nơ̆r 'Bok Kei-Dei

¹³ Lu linh đe Kalđê teh pơchah, jrăng pơm hăm kong, bơng đak đe pơm hăm kong tơ lăm Hnam akŭm kơkuh kơ Kră Yang, đơ̆ng noh chĕp ba tơmam kong tơ Pơlei Babilôn.

II Pot 25:13 ပူးပေါင်းရင်းမြစ်များ

I Pot 7:15

Huram sư hling pơm 'bar tŏ jrăng hăm kong, sư hling rim jrăng kơjung mơjĭt-tơhngam hơgăt dah iŏk tơlei pơtŏ sư, hơpôm sư đei mơjĭt-'bar hơgăt.

II Pot 20:17

Jơ 'năr gô truh, dôm tơmam lăm hnam ih mong dôm lu mŭk tơmam mă yă 'bok ih đei pơsư̆ 'măn lê̆ đơ̆ng sơ̆ truh tơ dang ei đe gô iŏk pơđĭ, chĕp ba tơ dêh Babilôn. Kră Yang khan gô ưh pă đei kiơ oei oei dơ̆ng.

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

II Ho 3:15

Gah anăp hnam akŭm, sư man 'bar tŏ jrăng, kơjung pêng-jĭt pơđăm hơgăt, kơ̆l jrăng pơđăm hơgăt minh pôm jrăng.

II Ho 36:18

Pơtao iŏk đĭ lu tơmam yua đơ̆ng lăm Hnam Kră Yang 'Bok Kei-Dei, tih dah iĕ lu tơmam gĭt lăm Hnam Kră Yang, lu tơmam gĭt pơtao păng tơmam gĭt lu yŏng pơgơ̆r, iŏk đĭ chĕp ba tơ dêh char Babilôn.

Le 27:3

Ih athei pơm kơthŭng mong ngar gŏ bô̆i mong tơnuh, kơthao mong đak, gơ'bênh, chơkrơ. Kơthŭng mong ngar pơm hăm kong ngăl.

Êsai 39:6

Âu, năr gô truh, dôm tơmam lăm anih hnam pơtao ih, dôm tơmam mă 'bok ih 'măn lê̆ lăm hnam đơ̆ng sơ̆ truh năr 'nâu, gô chĕp ba pơđĭ tơ dêh char Babilôn, ưh pă đei lê̆ minh pôm tơmam kiơ dơ̆ng, Kră Yang khan thoi noh.

Je 20:5

Inh kư̆m gô jao dôm lu mŭk tơmam pơlei âu, mŭk tơmam đơ̆ng lu sư chă jang sa, tơmam gĭt mă đei dang ei, tơpă, Inh gô jao ăn dôm lu hu maih pơtao Juđa lăm ti lu bơngai ayăt, gô tơgar iŏk na chĕp ba tơ Babilôn.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;