II Pot 25:1 - Sơ̆p Hlabơar Nơ̆r 'Bok Kei-Dei

¹ Lăm sơnăm mă tơsĭn, chăl Sêđekia pơgơ̆r, lăm năr mơjĭt, khei mơjĭt, Nebukatnessar, pơtao đe Babilôn chông đĭ-đăng lu linh sư năm blah Pơlei Jêrusalem. Lu sư wang tăp dăr kơ pơlei, lu sư bơ̆ teh wă tŏk mơ̆t lăm pơlei.

II Pot 25:1 ပူးပေါင်းရင်းမြစ်များ

II Pot 24:1

Lăm chăl Jêhôiakim pơgơ̆r, Nebukatnessar, pơtao đe Babilôn, blah iŏk dêh char Juđa, Jêhôiakim chu jang kơ sư lăm pêng sơnăm, đơ̆ng noh sư tơplih đon tơchĕng sư iung blah pơtao đe Babilôn dơ̆ng.

II Pot 24:10

Kơplah noh lu linh Nebukatnessar, pơtao đe Babilôn bơ̆ teh wă tŏk blah Pơlei Jêrusalem.

II Pot 25:2

Lu sư wang pơlei noh đunh dĭng truh tơ sơnăm mă mơjĭt-mônh, chăl pơtao Sêđekia pơgơ̆r.

II Pot 25:8

Năr tơpơh, khei pơđăm sơnăm mơjĭt-tơsĭn, chăl Nebukatnessar, pơtao đe Babilôn pơgơ̆r, Nêbusarađan, Yŏng linh pơtao đe Babilôn năm tơ Pơlei Jêrusalem.

I Ho 6:15

Jêhôsađak đe rôp pơm đĭch đam kơplah Kră Yang ăn kon pơlei Juđa păng Jêrusalem lăm ti Nebukatnessar.

II Ho 36:11

Sêdêkia 'nao 'bar-jĭt mônh sơnăm kơplah đe pôk sư pơm pơtao păng sư pơgơ̆r mơjĭt-mônh sơnăm lăm pơlei Jêrusalem.

Êsai 29:3

Inh gô pơm anih wang tăp dăr kơ ih, pơjing kơđông wang ih, pơm anih blah ih.

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 32:1

Lăm sơnăm mă mơjĭt chăl Sêđekia pơm pơtao đe Juđa, đei nơ̆r Kră Yang khan kơ Jêrêmi. Noh jơ̆ sơnăm mă mơjĭt-tơhngam lăm chăl pơtao Nebukatnessar pơgơ̆r.

Je 32:2

Kơplah noh lu linh pơtao Babilôn wang pơlei tih Jêrusalem; gah Jêrêmi bơngai khan lê̆ adrol đe rôp phak lăm anih cham lu linh gak hnam pơtao Juđa.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 32:28

Lei na Kră Yang khan: “Inh gô jao pơlei tih âu tơ lăm ti lu bơngai Kalđê, lăm ti Nebukatnessar pơtao đe Babilôn sư gô blah iŏk.

Je 4:17

Lu sư wang pơlei Jêrusalem kơjăp đơ̆ng puăn pah thoi đe wei mir chŭn; Yua kơ pơlei âu iung blah Inh,” Kră Yang khan.

Je 43:10

Na ih tơbăt ăn kơ lu sư: 'Nâu Kră Yang Tih Hloh 'Bok Kei-Dei Isơrael, khan: “'Nâu Inh gô wơh păng krao đĭch đam Inh Nebukatnessar, pơtao Babilôn păng Inh gô pơdơ̆ng tang-dŏ pơtao sư tơ kơpal tơmo 'nâu, mă Inh 'nao 'bŭ; pơtao noh gô dăng bơlang che sư pơm bơsŭn kơpal noh.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Je 51:34

Nebukatnessar pơtao Babilôn luăn sa inh boih, sư pơjuă inh hĕch hoch; sư huet inh 'biao thoi gŏ hoh, Luăn sa inh thoi yă-grai sa tơmam 'lơ̆ng inh 'bĕnh kơ klak sư; Na hăk lê̆ inh.

Je 52:1

Sêđekia pơtơm pơm pơtao kơplah sư 'bar-jĭt mônh sơnăm; sư pơgơ̆r mơjĭt-mônh sơnăm lăm pơlei Jêrusalem. Mĕ sư anăn Hamuta kon drŏ-kăn Jêrêmi đơ̆ng pơlei Lipna.

Je 6:3

Lu bơngai wei triu hăm khŭl triu sư năm pơm kơ pơlei Siôn, lu sư gô pơm bơsŭn tăp dăr kơ pơlei, ba triu lu sư sa 'nhĕt lăm anih mă đei 'măn lê̆ kơ lu sư.

Êsêkiên 21:14

Ơ kon bơngai, gah ih, khan lê̆ adrol bĕ, tap bĕ ti ih ăn kơ đao koh 'bar dah pêng wơ̆t; đao koh pơlôch lơ bơngai, pơrăm lơ bơngai: Đao gô wang chĭt tăp tang kơ lu sư.

Êsêkiên 26:7

Kră Yang khan thoi âu: Âu, Inh gô chông Nebukatnessar, pơtao Babilôn đơ̆ng gah yă-nơ̆m, pơtao kơ lu pơtao, hăm lu linh, lu linh hao aseh hăm lu linh hao gre aseh lơ, năm blah pơlei Tirơ.

Êsêkiên 40:1

Lăm sơnăm mă 'bar-jĭt pơđăm đơ̆ng rŏng kơ lu nhôn pơm bơnă, sơnăm blŭng-a, năr mơjĭt lăm khei, noh trŏ mơjĭt-puăn sơnăm đơ̆ng rŏng kơ pơlei Jêrusalem đe blah iŏk, Lăm năr noh ti Kră Yang chro kơpal inh păng Kră Yang chông ba inh năm tơ noh.

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Both 28:52

Lu sư gô wang tăp dăr kơ pơlei jơ̆p lăm dêh char mă Kră Yang 'Bok Kei-Dei ăn kơ iĕm dĭng truh tơ lu dur tih kơjung kơjăp tơ noh, mă iĕm gơnang, gô teh pơchah răm đĭ.