II Pot 24:5 - Sơ̆p Hlabơar Nơ̆r 'Bok Kei-Dei

⁵ Dôm lu tơdrong hơ'mon nai gah Jêhôiakim, đĭ-đăng lu tơdrong jang đêl sư pơm, đe đei chih lê̆ bơih tơ lăm sơ̆p hla bơar hơ'mon gah lu pơtao.

II Pot 24:5 ပူးပေါင်းရင်းမြစ်များ

I Pot 14:29

Pôm lu tơdrong jang mă Rôbôam đei pơm păng dôm tơdrong jang nai mă sư pơm bơih, đe đei chih răk lê̆ bơih lăm sơ̆p hla bơar hơ'mon kơ lu pơtao Juđa.

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

II Pot 24:6

Jêhôiakim lôch, tep hiôk hăm lu 'bok kơdră sư păng Jêhôiachin kon drŏ-nglo sư, pơm pơtao pơtrơp sư.

II Pot 8:23

Lu tơdrong hơ'mon gah Jêhôram, hơ'mon tôm tơdrong đêl sư pơm đe đei chih lăm sơ̆p hla bơar hơ'mon gah lu pơtao.

II Ho 36:8

Lu tơdrong jang nai dơ̆ng Jêhôiakim đei pơm, dôm lu tơdrong kơnê̆ 'mê̆ brư̆ sư pơm, đĭ dôm tơdrong đei chih răk lăm sơ̆p hla bơar pơtao Isơrael păng Juđa. Jêhôiachin kon drŏ-nglo sư pơm pơtao pơtrơp sư.