II Pot 24:2 - Sơ̆p Hlabơar Nơ̆r 'Bok Kei-Dei

² Kră Yang ăn lu khŭl linh đe Kalđê, khŭl linh đe Asiri, păng khŭl linh đe Môap năm blah pơrăm char Juđa, wă khŭl linh đe Ammôn pơrăm lê̆ lu sư, kiơ̆ thoi nơ̆r Kră Yang yua nơ̆r lu bơngai khan lê̆ adrol, noh jơ̆ lu đĭch đam sư,

II Pot 24:2 ပူးပေါင်းရင်းမြစ်များ

II Pot 20:17

Jơ 'năr gô truh, dôm tơmam lăm hnam ih mong dôm lu mŭk tơmam mă yă 'bok ih đei pơsư̆ 'măn lê̆ đơ̆ng sơ̆ truh tơ dang ei đe gô iŏk pơđĭ, chĕp ba tơ dêh Babilôn. Kră Yang khan gô ưh pă đei kiơ oei oei dơ̆ng.

II Pot 22:16

Kră Yang khan: “Inh gô ăn tơdrong răm tih truh 'bơ̆t anih 'nâu păng truh kơ kon pơlei lăm noh hai, thoi nơ̆r đơ̆ng sơ̆p hla bơar mă pơtao đe Juđa hlôi đŏk noh.

II Pot 23:27

Na Kră Yang khan: “Inh gô puh tơweh lê̆ lu bơngai Juđa đơ̆ng Inh, thoi Inh puh tơweh bơih lu bơngai Isơrael păng Inh gô pơrăm lê̆ Pơlei Jêrusalem mă Inh rơih bơih păng kư̆m pơrăm Hnam akŭm tơm mă Inh hlôi khan: Anăn Inh gô oei tơ noh.”

II Pot 6:23

Na sư hơmet ăn kơ lu đe noh et sa tih; lăp lu sư et sa đang bơih, sư achăng lu đe ei brŏk, na lu sư brŏk tơ yŏng lu sư. Iŏk đơ̆ng noh khŭl linh Aram ưh pă pơ̆n mơ̆t blah dêh char Isơrael dơ̆ng.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Jop 1:17

Bơngai âu oei pơma, na 'bôh minh 'nu bơngai nai dơ̆ng truh roi: “Lu bơngai Kalđê đei pêng khŭl, wang blah tơgar iŏk aseh lăk-đa păng koh pơlôch đĭ lu đĭch đam hăm đao; lăp minh 'nu inh đĕch klaih năm roi ăn kơ ih.”

Êsai 13:5

Lu sư truh đơ̆ng dêh char ataih, đơ̆ng tôch kơ plĕnh teh. Kră Yang păng lu tơmam tơblah, Sư yua lăm tơdrong Sư hil mĭl wă pơrăm đĭ teh âu.

Êsai 28:19

Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Êsai 7:17

Kră Yang gô ăn tơdrong truh kơ ih, kon pơlei ih păng hnam 'bă ih, đơ̆ng năr mă Êphraim tơklah đơ̆ng Juđa kư̆m tam mă đei 'bôh thoi noh wă khan sư gô chông ba pơtao Asiri truh.”

Je 12:9

Kon pơlei Inh hăm trŏ thoi klang, Lu klang nai wang tăp dăr wă pơm kơ kon pơlei Inh hă? Akŭm bĕ đĭ-đăng lu sem bri, ba lu sư sa kon pơlei Inh.

Je 25:1

Kră Yang khan kơ Jêrêmi gah tơdrong wă truh kơ adrĕch adrung Juđa lăm sơnăm mă puăn chăl Jêhôiakim, kon drŏ-nglo Jôsia, pơtao đe Juđa, noh lăm sơnăm blŭng-a chăl Nebukatnessar pơm pơtao dêh char Babilôn.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 26:20

Kŭm đei minh 'nu bơngai nai dơ̆ng kư̆m yua anăn Kră Yang khan lê̆ adrol; noh Uri, kon drŏ-nglo Sêmaia đơ̆ng pơlei Kiriat Jêrim. Kŭm đei khan lê̆ adrol kơ tơdrong wă pơrăm pơlei tih păng char âu trŏ thoi nơ̆r Jêrêmi đei khan.

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 32:28

Lei na Kră Yang khan: “Inh gô jao pơlei tih âu tơ lăm ti lu bơngai Kalđê, lăm ti Nebukatnessar pơtao đe Babilôn sư gô blah iŏk.

Je 35:11

Mă-lei tơdah Nebukatnessar pơtao Babilôn năm blah char nhôn, lu nhôn pơtơm băl: ‘Bĕ lu bơ̆n năm mơ̆t tơ pơlei tih Jêrusalem, wă klaih đơ̆ng lu linh bơngai Kalđê păng linh Aram.’ Lei na lu nhôn oei lăm pơlei Jêrusalem.”

Je 52:28

'Nâu lu kon pơlei mă Nebukatnessar rôp chông ba pơm bơnă; pêng-rơbâu 'bar-jĭt pêng 'nu bơngai Juđa lăm sơnăm mă tơpơh.

Nhom 1:17

Siôn yơ̆r ti, mă-lei ưh kơ đei bu pơlung sư; Kră Yang đei roi boih gah Jakôp; Đei lu bơngai cheng sư pơm kơnê̆ hăm sư. Jêrusalem mă lu sư oei noh jing 'mê̆-'mach.

Êsêkiên 19:8

Lu teh đak đơ̆ng tăp dăr kơ sư iung blah sư, dăng hơnhuăl kơ sư; sư hrơ̆p lăm hơnhuăl lu đe đăk.

Êsêkiên 23:23

Lu bơngai Babilôn, đĭ-đăng lu bơngai Kalđê, đơ̆ng lu pơlei Pêkôt, Soa păng Koa, păng đĭ-đăng lu bơngai Asiri, hơdai hăm lu sư, tơdăm 'lơ̆ng hơbŏ. Đei lu yŏng pơgơ̆r, yŏng lu linh, lu linh hao aseh, lu linh gre aseh, đĭ-đăng lu sư hao aseh.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.