II Pot 24:15 - Sơ̆p Hlabơar Nơ̆r 'Bok Kei-Dei

¹⁵ Sư, chông ba Jêhôiachin tơ Babilôn; sư kư̆m rôp ba mĕ pơtao lu akăn pơtao lu kuan tih, lu bơngai yŏng mơng lăm char, sư chông ba đơ̆ng Pơlei Jêrusalem năm pơm bơnă tơ Pơlei Babilôn.

II Pot 24:15 ပူးပေါင်းရင်းမြစ်များ

II Pot 20:18

Đơ̆ng noh, lu kon drŏ-nglo mă đơ̆ng ih pơjing, đe gô rôp anhăk ba pơđĭ lu sư gô jing lu linh krĕo oei lăm hnam pơtao đe Babilôn.

II Pot 24:8

Jêhôiachin sư mơjĭt-tơhngam sơnăm kơplah sư tŏk pơm pơtao; sư pơgơ̆r pêng khei tơ lăm Pơlei Jêrusalem. Mĕ sư anăn Nêhusta kon drŏ-kăn Êlnathan đơ̆ng Pơlei Jêrusalem.

II Pot 25:12

Mă-lei yŏng linh lê̆ doh oei pă pôm lu bơngai dơnuh hin ngei ngei lăm char wă kơ lu sư pơtăm 'long hơmu păng jang chŭn mir.

II Pot 25:21

Pơtao đe Babilôn teh pơlôch lu đe noh tơ lăm Pơlei Riblah, lăm dêh Hamat. Noh đe rôp ba lu bơngai Juđa pơm bơnă tơ 'nguaih kơ dêh char sư.

II Pot 25:27

Lăm sơnăm mă pêng-jĭt tơpơh, jô̆ đơ̆ng sơnăm đe rôp phak Jêhôiachin pơtao đe Juđa. Lăm năr 'bar-jĭt tơpơh, khei mơjĭt-'bar, Êwil Mêrôđak tŏk pơm pơtao Babilôn, na sư tơlĕch hĭ Jêhôiachin đơ̆ng hnam phak.

I Ho 9:1

Đĭ-đăng bơngai Isơrael đei năm chih anăn lăm Sơ̆p hla bơar kiơ̆ kơ adrĕch adrung đei chih tơmơ̆t lăm sơ̆p hla bơar tơm lu pơtao Isơrael. Bơngai Juđa, yua kơ đơ̆ng pơm yoch na đe rôp anhăk lu sư tơ char Babilôn.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

Esther 2:5

Lăm pơlei Susa, đei minh 'nu bơngai Juđa anăn sư Morđêkai kon drŏ-nglo Jair sâu tơm Simei sâu i Kis bơngai Bênjamin,

Esther 2:6

bơngai mă đe chông đơ̆ng pơlei Jêrusalem pơm bơnă hơdai hăm Jêkônia pơtao Juđa kư̆m đơ̆ng Nebukatnessar pơtao đe Babilôn rôp.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

Je 29:2

Đơ̆ng rŏng kơ pơtao Jêkônia, mĕ pơtao, lu bơngai jang lăm hnam pơtao, lu kră pơgơ̆r đơ̆ng Juđa păng Jêrusalem, lu thơ̆ hơgei gơh pơm lĕch đơ̆ng pơlei Jêrusalem boih,

Je 52:28

'Nâu lu kon pơlei mă Nebukatnessar rôp chông ba pơm bơnă; pêng-rơbâu 'bar-jĭt pêng 'nu bơngai Juđa lăm sơnăm mă tơpơh.

Êsêkiên 17:12

“Khan bĕ kơ lu adrĕch 'maih blah plơ̆ noh: ‘Lu iĕm ưh kơ băt tơdrong noh wă khan kiơ hă?’ Khan kơ lu sư: ‘Pơtao Babilôn năm truh boih tơ Jêrusalem, rôp boih pơtao păng lu kră pơlei chông ba hăm sư tơ Babilôn.

Êsêkiên 17:13

Pơtao rôp minh 'nu lăm adrĕch pơtao, pơgơ̆p hăm sư, athei sư pơkă. Pơtao kư̆m rôp ba lu bơngai pơgơ̆r lăm tơring noh hai,

Êsêkiên 17:3

Ih athei khan: ‘Kră Yang Tih Hloh khan: Đei klang tih, pơnăr să, sŏk pơnăr kơjung, sŏk hơ'bơ̆l đei sŏk dreng jơk, sem păr truh tơ char Liban. Sư kơchâu iŏk kơnhŏng 'long hơngo.

Êsêkiên 19:9

Đe chô̆ sư hăm gơwŏk glang, tah sư lăm bai na năm ba sư tơ char Babilôn; chĭt sư lăm hnam bơnă na huay pă kơtơ̆ng nơ̆r sư ôr tơ kông Isơrael dơ̆ng.

Da 1:3

Pơtao pơkă kơ Aspenas, bơngai mă pơgơ̆r tơm lu linh krĕo, chă rơih iŏk lăm lu kon sâu Isơrael, lăm adrĕch pơtao păng lăm lu jang tih.