II Pot 24:14 - Sơ̆p Hlabơar Nơ̆r 'Bok Kei-Dei

¹⁴ Pơtao chông ba đĭ-đăng lu bơngai gơh hơgei lăm Pơlei Jêrusalem, sư kư̆m rôp đĭ-đăng lu thơ̆ hơgei gơh hơjơ̆m đĭ-đăng lu 'bok tih păng lu linh tơblah nuih kơtang, đĭ-đăng lu sư mơjĭt-rơbâu 'nu. Lê̆ lăi lu kon pơlei dơnuh hin đĕch.

II Pot 24:14 ပူးပေါင်းရင်းမြစ်များ

II Pot 24:16

Pơtao Nebukatnessar chông ba lu linh tơblah nuih kơtang, đĭ-đăng lu sư tơpơh-rơbâu 'nu păng minh-rơbâu lu thơ̆ hơgei gơh pơm.

II Pot 25:12

Mă-lei yŏng linh lê̆ doh oei pă pôm lu bơngai dơnuh hin ngei ngei lăm char wă kơ lu sư pơtăm 'long hơmu păng jang chŭn mir.

I Ho 9:1

Đĭ-đăng bơngai Isơrael đei năm chih anăn lăm Sơ̆p hla bơar kiơ̆ kơ adrĕch adrung đei chih tơmơ̆t lăm sơ̆p hla bơar tơm lu pơtao Isơrael. Bơngai Juđa, yua kơ đơ̆ng pơm yoch na đe rôp anhăk lu sư tơ char Babilôn.

Esơra 2:1

Lăm lu kon sâu tơring Juđa mă pơtao Nebukatnessar rôp chông ba tơ dêh char Babilôn, lu bơngai đe chông ei wih brŏk tơ pơlei Jêrusalem păng dêh Juđa, rim 'nu brŏk tơ pơlei sư kơdih,

Ne 1:2

Hanani minh 'nu bơngai lăm lu 'nhŏng oh inh năm hơdai hăm lu bơngai Juđa, inh apinh lu sư gah lu adrĕch Juđa gơh klaih wă khan bơngai mă đe rôp pơm bơnă boih oei đei păng apinh hloi gah pơlei Jêrusalem.

Esther 2:6

bơngai mă đe chông đơ̆ng pơlei Jêrusalem pơm bơnă hơdai hăm Jêkônia pơtao Juđa kư̆m đơ̆ng Nebukatnessar pơtao đe Babilôn rôp.

Êsai 3:2

Sư gô iŏk lê̆ lu bơngai pran kơtang, lu linh, lu kră sek tơlang, lu 'bok khan lê̆ adrol, lu pơjâu, lu bơngai kră.

Je 27:20

lu tơmam mă Nebukatnessar pơtao đe Babilôn ưh kơ tung ba, kơplah sư rôp ba Jêkônia kon drŏ-nglo Jêhôiakim, pơtao đe Juđa, hơdai hăm lu kră pơgơ̆r char Juđa đơ̆ng pơlei tih Jêrusalem, ba tơ char Babilôn pơm bơnă;

Je 28:4

Kră Yang khan: “Inh gô ba brŏk Jêkônia kon drŏ-nglo Jêhôiakim pơtao đe Juđa păng đĭ-đăng lu bơngai Juđa mă đe rôp pơm bơnă tơ Babilôn, kư̆m brŏk tơ anih âu dơ̆ng; yua kơ Inh gơ̆ lê̆ boih 'long ăt pơtao Babilôn.”

Je 29:2

Đơ̆ng rŏng kơ pơtao Jêkônia, mĕ pơtao, lu bơngai jang lăm hnam pơtao, lu kră pơgơ̆r đơ̆ng Juđa păng Jêrusalem, lu thơ̆ hơgei gơh pơm lĕch đơ̆ng pơlei Jêrusalem boih,

Je 39:10

Nebusaradan, yŏng lu linh gak ưh kơ rôp ba ôh mơ'nah lăm lu kon pơlei dơnuh hin dêh, mir chŭn ưh kơ đei lê̆ lu sư oei kơtă lăm char Juđa, asong ăn kơ lu sư chŭn mir pơgar hơmu.

Je 40:7

Đĭ-đăng lu linh păng lu yŏng linh sư mă oei tơ bri kông kơtơ̆ng 'bok pơtao Babilôn pôk ăn Gêđalia kon drŏ-nglo Ahikam pơm yŏng pơgơ̆r lăm char păng kư̆m kơtơ̆ng pơtao jao ăn kơ sư pơgơ̆r wei-lăng đĭ-đăng lu bơngai drŏ-nglo, lu drŏ-kăn, lu hơ'lơ̆p, lu bơngai dơnuh hloh mă đe oei lê̆ oei lăm char Juđa, ưh kơ chông ba pơm đĭch tơ char Babilôn.

Je 52:16

Mă-lei Nêbusar Adan, yŏng linh gak, pơtao oei lê̆ lăi lu bơngai dơnuh hin tơ lăm teh đak sư, wă kơ lu sư pơtăm wei-lăng mir hơmu păng jang mir 'ba.

Je 52:28

'Nâu lu kon pơlei mă Nebukatnessar rôp chông ba pơm bơnă; pêng-rơbâu 'bar-jĭt pêng 'nu bơngai Juđa lăm sơnăm mă tơpơh.

Êsêkiên 17:14

wă kơ dêh char âu rai tơrăn, kơdih sư ưh kơ kĕ kơ iung wei mă-lei athei wei tơdrong pơgơ̆p hăm pơtao wă kơ teh đak oei oei.

Êsêkiên 17:3

Ih athei khan: ‘Kră Yang Tih Hloh khan: Đei klang tih, pơnăr să, sŏk pơnăr kơjung, sŏk hơ'bơ̆l đei sŏk dreng jơk, sem păr truh tơ char Liban. Sư kơchâu iŏk kơnhŏng 'long hơngo.

Mathiơ 1:11

Jôsia pơjing Jekonia hăm lu 'nhŏng oh sư. Đơ̆ng noh boih lu bơngai Babilôn rôp anhăk lu bơngai Isơrael tơ dêh lu sư.

Mathiơ 1:12

Kơplah lu sư oei tơ dêh Babilôn na Jekonia pơjing Sealtien, Sealtien pơjing Serupbabel,

Mathiơ 1:17

Đơ̆ng Abraham truh tơ Đawit đei mơjĭt-puăn jơhnơr, đơ̆ng Đawit truh tơ đe rôp anhăk lu bơngai Isơrael tơ dêh Babilôn đei mơjĭt-puăn jơhnơr, đơ̆ng đe rôp bơngai Isơrael truh tơ đe đei tơpŭ kơ nge Yêsu Krist đei mơjĭt-puăn jơhnơr mơ̆n.

Both 28:36

Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

I Sam 13:19

Kơplah noh lăm đĭ dêh char Isơrael ưh kơ đei bơngai hơjơ̆m, yua kơ đe Philistin khan bơih: Athei 'nĕ ăn kơ bơngai Hêbrơ hơjơ̆m đao păng hơlă.