II Pot 24:1 - Sơ̆p Hlabơar Nơ̆r 'Bok Kei-Dei

¹ Lăm chăl Jêhôiakim pơgơ̆r, Nebukatnessar, pơtao đe Babilôn, blah iŏk dêh char Juđa, Jêhôiakim chu jang kơ sư lăm pêng sơnăm, đơ̆ng noh sư tơplih đon tơchĕng sư iung blah pơtao đe Babilôn dơ̆ng.

II Pot 24:1 ပူးပေါင်းရင်းမြစ်များ

II Pot 17:5

Đơ̆ng noh pơtao đe Asiri mơ̆t blah pơrăm jơ̆p-jang dêh char sư, wang Pơlei Samari lăm pêng sơnăm.

II Pot 24:20

Tơdrong Kră Yang hil mĭl Sư ăn truh bơih kơ Pơlei Jêrusalem păng dêh Juđa, Kră Yang mah puh tơweh lê̆ lu sư đơ̆ng muh măt Kră Yang. Na Sêđekia iung blah pơtao đe Babilôn.

II Ho 36:1

Kon pơlei tơring ei, pôk Jêhôahas, kon drŏ-nglo Jôsia pơm pơtao pơtrơp đơ̆ng 'bă sư tơ pơlei Jêrusalem.

Esơra 4:12

Kơkuh kơ ih pơtao wă roi kơ ih băt hơđăl lu bơngai Juđa đei brŏk đơ̆ng ih brŏk truh tơ nhôn tơ pơlei Jêrusalem, lu sư pơm pơjing ming pơlei noh pơlei mă juăt pơm kơnê̆ dêh lu sư man ming dur pơlei păng hơmet ming hơnă hnam akŭm boih.

Êsai 36:5

Ih, tơchĕng wă tơblah hăm inh hăm nơ̆r pơma 'bơ̆r hoh đĕch hă? Ih gơnang kơ bu mă pơ̆n tơblah hăm inh.

Je 25:1

Kră Yang khan kơ Jêrêmi gah tơdrong wă truh kơ adrĕch adrung Juđa lăm sơnăm mă puăn chăl Jêhôiakim, kon drŏ-nglo Jôsia, pơtao đe Juđa, noh lăm sơnăm blŭng-a chăl Nebukatnessar pơm pơtao dêh char Babilôn.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 35:1

Nơ̆r Kră Yang khan kơ Jêrêmi lăm chăl Jêhôiakim kon drŏ-nglo Jôsia pơtao đe Juđa.

Je 35:11

Mă-lei tơdah Nebukatnessar pơtao Babilôn năm blah char nhôn, lu nhôn pơtơm băl: ‘Bĕ lu bơ̆n năm mơ̆t tơ pơlei tih Jêrusalem, wă klaih đơ̆ng lu linh bơngai Kalđê păng linh Aram.’ Lei na lu nhôn oei lăm pơlei Jêrusalem.”

Je 36:1

Lăm sơnăm mă puăn chăl Jêhôiakim kon drŏ-nglo Jôsia pơtao Juđa Kră Yang khan kơ Jêrêmi:

Je 45:1

Jêrêmi bơngai khan lê̆ adrol roi ăn kơ Baruk, kon Nêrêa, lăm sơnôm hla bơar dôm nơ̆r Jêrêmi đŏk; dơ̆ng rŏng kơ Baruk chih pơtao Juđa lăm sơnăm mă puăn chăl Jêhôiakim kon drŏ-nglo Jôsia pơtao Juđa:

Je 46:2

Gah dêh Êyiptơ: Nơ̆r roi gah lu linh Pharaôn Nekô pơtao dêh Êyiptơ, oei cheng Krong Ơphrat tơ pơlei Karchêmis; lu linh mă đơ̆ng tơblah thuơ kơ Nebukatnessar, pơtao Babilôn, lăm sơnăm mă puăn chăl Jêhôiakim, kon drŏ-nglo Jôsia, pơm pơtao đe Juđa.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Êsêkiên 19:8

Lu teh đak đơ̆ng tăp dăr kơ sư iung blah sư, dăng hơnhuăl kơ sư; sư hrơ̆p lăm hơnhuăl lu đe đăk.

Êsêkiên 21:14

Ơ kon bơngai, gah ih, khan lê̆ adrol bĕ, tap bĕ ti ih ăn kơ đao koh 'bar dah pêng wơ̆t; đao koh pơlôch lơ bơngai, pơrăm lơ bơngai: Đao gô wang chĭt tăp tang kơ lu sư.

Da 1:1

Sơnăm mă pêng lăm chăl Jêhôiakim, pơtao đe Juđa, na Nebukatnessar, pơtao Babilôn, năm truh tơ pơlei tih Jêrusalem wang wă blah iŏk.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.