II Pot 23:8 - Sơ̆p Hlabơar Nơ̆r 'Bok Kei-Dei

⁸ Sư kư̆m chông tơlĕch đĭ-đăng lu 'bok soi mă oei đơ̆ng jơ̆p-jang pơlei lăm dêh char Juđa, na pơm pơ'mê̆ lê̆ anih kơkuh kơ rup tơ anih kơjung anih mă lu sư ngăl soh 'long 'bâu phu, đơ̆ng Pơlei Gêba dĭng truh tơ Pơlei Bêrsêba; đơ̆ng noh sư kư̆m teh pơchah lu chơnang soi kơ yang tơ 'nguaih 'măng dur pơlei, noh 'bơ̆t jê̆ 'măng Jôsuê yŏng wei pơlei, tơ gah 'ngiĕo kơ 'măng jang pơlei.

II Pot 23:8 ပူးပေါင်းရင်းမြစ်များ

Bl 21:14

Abraham iung đơ̆ng hrôih, iŏk 'bĕng păng minh pôm get đak ăn kơ Hagar; tơ'băk lu tơmam noh 'bơ̆t hơngiĕng sư păng jao ăn kơ sư kon drŏ-nglo sư noh, na puh tơweh. Hơgar sư weh, yak trong ataih wih rok thŭng Bêrsêba.

Bl 21:31

Yua đơ̆ng noh, na đe krao anăn anih âu Bêrsêbaa yua kơ tơ anih noh đei bre sư pơkă pơkăm băl.

Bl 26:23

Isăk weh đơ̆ng noh, yak tŏk tơ Bêrsêba.

I Pot 15:22

Đơ̆ng noh pơtao Asa pơkă kơ đĭ-đăng bơngai Juđa, ưh kơ lê̆ minh 'nu bơngai bu, lu sư pŭ iŏk lu tơmo păng lu 'long tơ̆r mă đêl Baasa yua pơm kơđông pơlei Rama; đơ̆ng noh pơtao Asa yua tơmam 'noh pơm pơlei Gêba lăm char Bênjamin, păng pơlei Mispa.

I Pot 19:3

Thoi noh Êli hli, sư iung kơdâu weh wă pơklaih tơdrong arih sư. Sư năm truh tơ Pơlei Bêrsêba lăm char Juđa, lê̆ lu đam sư oei tơ noh.

I Ho 6:60

Iŏk đơ̆ng adrĕch Bênjamin pơjao ăn kơ lu sư pơlei Gêba, Alêmet, Anahôt, păng dơnih 'nhĕt lu sư. Đĭ-đăng đei mơjĭt-pêng tŏ pơlei tih, ăn kiơ̆ kơ adrĕch adrung lu sư.

Êsai 10:29

Lu sư rok trong kuĕt kuĕl sơlam kông, lu sư 'bĭch 'bơ̆t pơlei Gêba; kon pơlei Rama hli tơrơ, kon pơlei Gibêah kơdâu ôn đĭ noh pơlei Sôl sơ̆.

Êsêkiên 44:10

Bĕ gah lu bơngai Lêwi hlôi năm ataih đơ̆ng Inh, achăng Inh kiơ̆ kơkuh kơ rup yang lu sư, kơplah lu kon pơlei Isơrael hlôi jrok trong weh ataih đơ̆ng Inh, lu sư gô pŭ tơdrong yoch kơdih.

Am 5:5

Lê̆ pă chă pơlei Bethel, 'nĕ pă mơ̆t lăm pơlei Gilgal, dah 'nĕ pă năm rok trong pơlei Bêrsêba. Yua kơ pơlei Gilgal đe gô puh pơm bơnă đĭ, pơlei Bethel gô jing minh anih pơchah pơchek.

Sa 14:10

Đĭ-đăng jơ̆p kơ teh đak gô jing teh dơhnă, iŏk đơ̆ng Gêba truh tơ Rimôn. Gah gơal kơ pơlei Jêrusalem, pơlei tih âu đe gô hơtŏk sư tơ anih sư, đơ̆ng 'măng jang Bênjamin truh tơ 'măng jang mă blŭng-a păng truh tơ 'măng jang mum, đơ̆ng hnam thôt Hananêl dĭng truh tơ anih pơtao hmĕt đak hơmu pơm sik.

Jôsuê 18:24

Kêpha Ammônai, Ôpni, Gêba; đĭ-đăng mơjĭt-'bar tŏ pơlei tih păng pơlei iĕ lu sư.

Jôsuê 21:17

Iŏk dơ̆ng đơ̆ng adrĕch Bênjamin, đei pơlei, Gibeôn păng Gêba.

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.