II Pot 23:4 - Sơ̆p Hlabơar Nơ̆r 'Bok Kei-Dei

⁴ Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Pot 23:4 ပူးပေါင်းရင်းမြစ်များ

II Sam 15:23

Đĭ-đăng kon pơlei lăm pơlei Jêrusalem nhơ̆m ôr re kơplah lu khŭl tơpôl kon pơlei yak năm. Pơtao năm rok trong thŭng Kidrôn păng đĭ-đăng kon pơlei pơla năm rok tơklă tơ trong gah tơmăn glă.

I Pot 12:29

Sư dan minh pôm rup yang lăm pơlei Bethel, minh pôm rup nai sư dan lăm pơlei Đan.

I Pot 15:13

Sư kư̆m plôh tơlĕch yă sư Maaka đơ̆ng pơm yă pơtao lăm hnam pơtao, yua kơ yă sư man gơ̆ng rup yang Asêra drŏ-kăn mă kơnê̆ krưp dêh. Asa kư̆m teh tơpăk lê̆ gơ̆ng pôm yang păng soh rŭk lê̆ tơ lăm thŭng Kidrôn.

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

I Pot 18:19

Thoi noh ih athei bĕ đe năm krao akŭm đĭ-đăng lu bơngai Isơrael, tơ'bơ̆p inh tơ kông Karmel păng puăn-hrĕng pơđăm-jĭt 'nu lu bơngai khan lê̆ adrol gah yang Baal, păng puăn-hrĕng 'nu lu bơngai khan lê̆ adrol yang Asêra păng lu bơngai sŏng sa tơ gơ'bang Jêsebel.

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

I Pot 19:18

Gah Inh đei rơih iŏk tơpơh-rơbâu 'nu bơngai Isơrael ưh kơ hơtơ̆p kŭl-tăng 'bơ̆t anăp yang Baal, 'bơ̆r lu sư tam lah chŭm sư ôh.”

II Pot 10:26

Lu sư yuih lê̆ gơ'bang soi đơ̆ng lăm hnam yang Baal; na soh lê̆.

II Pot 12:10

Lăp 'bôh jên lăm hom ei lơ bơih, bơngai mă chih hla bơar lăm anih pơtao păng 'bok soi tơm năm iŏk, tơlĕch jên mă đei lăm hnam akŭm kơkuh kơ Kră Yang na jô̆ păng tah chô̆ hơmet lê̆ lăm 'bi.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Pot 21:5

Sư pơm lu chơnang soi kơkuh kơ đĭ-đăng yang kơpal plĕnh 'bơ̆t 'bar tŏ anih lăm cham hnam akŭm.

II Pot 21:7

Sư dan rup Asêra mă sư đei pơm lăm hnam akŭm mă Kră Yang đei khan bơih kơ Đawit păng Sôlômôn, kon drŏ-nglo sư, noh: “Lăm hnam akŭm 'nâu păng lăm Pơlei Jêrusalem; pơlei mă Inh hlôi rơih lăm lu khŭl Isơrael Inh gô ăn anăn Inh oei lăm noh, ling-lang khŏm khŏm.

II Pot 22:4

“Năm bĕ tơ 'bok soi tơm anăn sư Hilkia, wă kơ sư jô̆ jên mă đe hlôi chĕp ba bơih tơ lăm hnam akŭm Kră Yang, noh jên mă lu bơngai wei 'măng Hnam akŭm hlôi iŏk bơih đơ̆ng kon pơlei

II Pot 23:12

Pơtao Jôsia kư̆m teng lê̆ lu chơnang soi mă lu pơtao đe Juđa pơm kơpal bơbŭng hnam kơjung, hnam pơtao Ahas; na gah lu chơnang soi mă Manase đei pơdơ̆ng 'bơ̆t 'bar tŏ cham hnam akŭm kơkuh kơ Kră Yang, sư tơlơ̆ păng teh pơchah lê̆, na chĕp ba săi lê̆ kơcheh sư lăm thŭng Kidrôn.

II Pot 23:15

Sư kư̆m teh pơchah lê̆ chơnang soi tơ Pơlei Bethel păng hnam kơkuh kơ yang mă Jêrôbôam, kon drŏ-nglo Nêbat hlôi pơm, bơngai noh pơm kơ lu bơngai Isơrael pơm yoch; sư teh pơchah lê̆ chơnang soi, soh rŭk lê̆ Hnam kơkuh kơ yang tơ anih kơjung, teh pơhĕch lê̆ dĭng kơ'mey. Sư kư̆m soh lê̆ rup yang yă Asêra.

II Pot 25:18

Yŏng linh rôp 'bok soi tơm anăn sư Sêraja, 'bok soi kơiĕng anăn sư Sôphôni păng pêng 'nu bơngai gak 'măng hnam akŭm.

II Ho 15:16

Pơtao Asa ưh pă ăn kơ yă sư Maaka jang dơ̆ng yua kơ sư pơm gơ̆ng kơkuh kơ rup yang Asêra. Pơtao Asa teh pơrăm lê̆ gơ̆ng rup yang noh teh pơchah hĕch hoch đĭ păng soh lê̆ tơ thŭng Kidrôn.

II Ho 33:3

Sư man pơdơ̆ng ming dơ̆ng lu anih kơjung mă 'bă sư Hesekia đei pơrăm lê̆, pơm tơiung chơnang soi ăn kơ yang Baal păng man rup yang Asêra, kơkuh kơ đĭ-đăng lu khei sơnglŏng tơ plĕnh, drap păng kơkuh kơ lu tơmam noh.

II Ho 33:7

Sư tah rup yang đe traih lăm hnam Kră Yang tơ anih mă Kră Yang 'Bok Kei-Dei đei khan hăm Đawit păng Sôlômôn kon drŏ-nglo sư khan: “Lăm hnam 'nâu păng pơlei Jêrusalem pơlei, mă inh đei rơih iŏk boih đơ̆ng lăm adrĕch bơngai Isơrael, wă 'măn anăn Inh lăm âu ling-lang;

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Je 52:24

Yŏng linh gak pơtao rôp Sêraia 'bok soi tơm, Sephania 'bok soi mă 'bar păng pêng 'nu yŏng wei 'măng jang hnam kơ Kră Yang.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Êsêkiên 8:6

Na Sư khan kơ inh dơ̆ng: “Ơ kon bơngai, ih hăm 'bôh dôm tơdrong lu sư oei pơm, lu tơdrong krưp kơnê̆ 'mê̆-'mach tih dêh mă adrĕch Isơrael pơm wă puh Inh ataih đơ̆ng anih rơgoh Inh? Tơpă ih gô 'bôh lơ tơdrong krưp kơnê̆ tih hloh dơ̆ng.”

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Am 4:4

Năm bĕ tơ pơlei Bethel, na pơm yoch; năm bĕ tơ pơlei Gilgal, na pơm yoch rai thim dơ̆ng! Rim pơgê chĕp ba bĕ tơmam soi lu iĕm păng kư̆ kơtĕch pêng năr pơyơ̆r minh lăm mơjĭt đơ̆ng tơmam lu iĕm!

Jêphania 1:4

“Inh gô yơ̆r ti pơm kơ Juđa păng đĭ-đăng kon pơlei oei lăm Jêrusalem; Inh gô tơhiong pơgoh lu yang Baal mă oei oei, dôm lu thây tơm păng 'bok soi lu sư đơ̆ng anih 'nâu.

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Mathiơ 27:1

Lăp 'brưch hơdah til pơgê đĭ-đăng lu 'bok soi tih păng lu đe kră sek tơlang chă đon wă pơlôch Yêsu.

Yo 18:1

Yêsu krao khan đang boih, na Sư hăm lu bơngai pơhrăm păng Sư weh đơ̆ng ei na yak hlôi kơ thong đak Kidrôn. Tơ noh đei minh hlak pơgar na lu sư mơ̆t lăm ei.

Lu 2:13

Thoi noh lu sư lê̆ Kră Yang drap kơkuh kơ yang Baal păng Astarôt.