II Pot 23:26 - Sơ̆p Hlabơar Nơ̆r 'Bok Kei-Dei

²⁶ Mă-lei, Kră Yang oei blĕk, Sư hil mĭl kơ lu bơngai Juđa ưh kơ hơi ôh, oei ơh blĕk yua kơ tơdrong yoch mă Manase oei pơm

II Pot 23:26 ပူးပေါင်းရင်းမြစ်များ

II Pot 22:13

“Năm, krao apinh kơ inh Kră Yang bĕ, krao apinh kơ kon pơlei pơla, păng krao apinh kơ đĭ char Juđa bơ̆n gah dôm lu nơ̆r lăm sơ̆p hla bơar mă 'nao 'bôh noh. Yua kơ tơdrong blĕk Kră Yang tuh ăn kơ bơ̆n tih dêh, kơlih kơ yă 'bok bơ̆n ưh kơ chu pơm kiơ̆ ôh dôm lu nơ̆r lăm sơ̆p hla bơar 'nâu păng ưh kơ pơm kiơ̆ tơdrong mă Kră Yang hlôi chih bơtho khan kơ lu bơ̆n.”

II Pot 24:2

Kră Yang ăn lu khŭl linh đe Kalđê, khŭl linh đe Asiri, păng khŭl linh đe Môap năm blah pơrăm char Juđa, wă khŭl linh đe Ammôn pơrăm lê̆ lu sư, kiơ̆ thoi nơ̆r Kră Yang yua nơ̆r lu bơngai khan lê̆ adrol, noh jơ̆ lu đĭch đam sư,

II Pot 24:20

Tơdrong Kră Yang hil mĭl Sư ăn truh bơih kơ Pơlei Jêrusalem păng dêh Juđa, Kră Yang mah puh tơweh lê̆ lu sư đơ̆ng muh măt Kră Yang. Na Sêđekia iung blah pơtao đe Babilôn.

II Pot 24:3

Tơdrong răm 'nâu truh hloi kơ lu bơngai Juđa yua kơ đơ̆ng nơ̆r Kră Yang tơtă wă tơhiong lê̆ lu sư đơ̆ng anăp Kră Yang, yua kơ đêl tơdrong yoch Manase, kiơ̆ thoi tơdrong sư đei pơm,

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

II Ho 35:20

Đơ̆ng rŏng đĭ kơ tơdrong 'lơ̆ng noh, đang kơ Jôsia hơmet Hnam Kră Yang boih, na Nêkô pơtao đe Êyiptơ tŏk blah tơ pơlei Karchêmis cheng đak Krong Ơphrat; Jôsia năm găn blah lu sư.

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Esơra 10:14

Thoi noh, apinh lu 'bok kuan tih dơ̆ng tơ noh tơplih kơ lu nhôn wă pơma dŏng kon pơlei mă trŏ; mă bơngai bu lăm pơlei lu nhôn đei iŏk lu bơngai tơmoi pơm akăn, athei pơm kiơ̆ kơ năr đei hơgăt, hăm lu đe kră păng 'bok sek tơlang kơtă pơlei, wă hơmet tơdrong âu dĭng truh tơ layơ mă Kră Yang hil mĭl kơ nhôn gơh ngach rơngơp.

Je 23:20

Tơdrong Kră Yang hil ưh kơ ngach ôh, dĭng mă Sư pơm pơkeh thoi Sư tơchĕng wă. Lăm năr ei kơnh lu iĕm gô băt hơdah tơdrong noh.