II Pot 23:25 - Sơ̆p Hlabơar Nơ̆r 'Bok Kei-Dei

²⁵ Adrol kơ Jôsia ưh kơ đei minh 'nu pơtao ayơ thoi sư, 'mêm kơ Kră Yang đĭ jơhngơ̆m đĭ tơdrong tơchĕng đĭ tơdrong pran sư, pơm kiơ̆ tôm khôi juăt Môis păng đơ̆ng rŏng kơ sư kư̆m ưh kơ đei bu lei-lăi thoi sư.

II Pot 23:25 ပူးပေါင်းရင်းမြစ်များ

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

I Pot 8:48

Dah lu sư đĭ jơhngơ̆m đĭ đon tơchĕng, wơ̆t tơbral tơ Ih krao khan apinh Ih, lăm char mă lu ayăt rôp ba lu sư, lu sư 'blŏk kơ dêh mă Ih ăn kơ lu 'bok yă lu sư sơ̆. Anih mă Ih rơih ăn bơih păng Hnam akŭm kơkuh kơ anăn Ih mă inh pơm âu bơih,

II Pot 18:5

Hesekia gơnang kơ Kră Yang 'Bok Kei-Dei đe Isơrael; lei na lu pơtao đơ̆ng rŏng kơ sư, dah lăm lu pơtao adrol kơ sư, ưh kơ đei bu thoi sư.

II Pot 23:3

Pơtao dơ̆ng tơ anăp 'bơ̆t anih kơjung pơgơ̆p pơkă dơ̆ng 'bơ̆t anăp Kră Yang, wă năm kiơ̆ Kră Yang, đĭ jơhngơ̆m tơdrong tơchĕng wei răk dôm tơdrong Kră Yang tơtă, dôm khôi juăt Sư, păng pơm pơkeh nơ̆r Kră Yang pơgơ̆p pơkă mă đe đei chih lăm sơ̆p hla bơar 'nâu. Đĭ-đăng kon pơlei, bu bu kư̆m drơ̆ng lăp đon kơ nơ̆r pơgơ̆p pơkă noh ngăl.

Ne 10:29

Pơgơ̆p hơdai hăm 'nhŏng oh lu sư păng lu bơngai mơdrŏng, na hiap akâu kơdih pơkă yak kiơ̆ khôi juăt đơ̆ng Kră Yang 'Bok Kei-Dei yua 'bok Môis, đĭch đam sư ăn boih păng wă kơ wei răk pơm kiơ̆ dôm tơdrong tơtă đơ̆ng Kră Yang bơ̆n, tơjur lăm khôi juăt Sư.

Ne 10:30

Lu nhôn pơkă ưh kơ ăn ôh kon drŏ-kăn lu nhôn iŏk klo đơ̆ng adrĕch char âu păng kư̆m ưh kơ gơh iŏk oei kon drŏ-kăn lu sư oei kơ kon drŏ-nglo lu nhôn.

Je 22:15

Hăm trŏ ih tơchĕng ih pơm pơtao, yua kơ ih pơm hnam hăm 'long hơngo 'lơ̆ng hloh kơ đe? Hăm trŏ kơ 'bă ih sơ̆ đei sŏng sa đak nhă? Sư pơm tơdrong 'lơ̆ng tơdrong tơpăt, na đei tơdrong 'lơ̆ng rŏ kơ sư.

Je 29:13

Lu iĕm gô chă Inh păng gơh tơ'bơ̆p tơdah lu iĕm chă Inh hăm đĭ jơhngơ̆m.”

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 7:19

Hăm trŏ kơ Môis ată ăn kơ iĕm tơdrong juăt, mă-lei lăm lu iĕm ưh kơ đei bu răk tơdrong juăt noh? Na iĕm khan Inh ưh kơ răk tơdrong juăt Môis, na iĕm khan wă pơlôch Inh. Kơlih kơ kiơ iĕm wă pơlôch Inh noh?”

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.