II Pot 23:24 - Sơ̆p Hlabơar Nơ̆r 'Bok Kei-Dei

²⁴ Jôsia kư̆m pơrăm pơpuh lê̆ đĭ lu bơngai pơjâu krao bơhngol bơngai lôch păng lu pơjâu tơwir, lu rup yang kơdih rim hnam păng lu rup yang hăm đĭ-đăng lu tơdrong kơnê̆ 'mê̆-'mach mă Kră Yang areh đei 'bôh lăm char Juđa păng tơ Pơlei Jêrusalem, wă pơm kiơ̆ kơjăp tơdrong juăt đei chih bơih lăm sơ̆p hla bơar mă 'bok soi Hilkia đei chă 'bôh đơ̆ng lăm hnam akŭm kơkuh kơ Kră Yang.

II Pot 23:24 ပူးပေါင်းရင်းမြစ်များ

Bl 31:19

Kơplah La'ban oei năm yuă sŏk lu triu sư, na Rachel năm iŏk tơtông lu rup yang lăm hnam 'bă sư.

II Pot 21:11

“Manase, pơtao đe Juđa hlôi pơm tơdrong yoch kơnê̆ krưp 'nâu păng pơm tơdrong kơnê̆ hloh kơ đĭ-đăng lu bơngai Amôrit hlôi pơm adrol kơ sư păng sư pơm kơ lu bơngai Isơrael pơm yoch kơkuh kơ lu rup yang đêl sư pơm.

II Pot 21:21

Sư năm rok kiơ̆ pôm trong 'bă sư rok bơih, bơ̆jang kơ rup yang mă đêl 'bă sư hlôi bơ̆jang bơih păng drap kơkuh bơih kơ lu rup yang noh.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 23:23

Mă-lei lăm sơnăm mă mơjĭt-tơhngam, chăl pơtao Jôsia pơgơ̆r, lu sư đei pơm giĕng Năm Brih kơ Kră Yang tơ Pơlei Jêrusalem.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Lêwi 20:27

Bơngai drŏ-nglo dah drŏ-kăn pơm pơjâu dah pơm pơma hăm yang kơnê̆, đe gô pơlôch sư, klơ̆m sư păng tơmo, pham lu sư gô tuh tơ lu sư kơdih.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.

Lu 17:5

Mika kư̆m pơm hnam kơkuh kơ yang; sư pơm minh blah ao êphot păng dôm tŏ yang; sư pơk ăn kơ kon drŏ-nglo sư pơm 'bok soi.