II Pot 23:20 - Sơ̆p Hlabơar Nơ̆r 'Bok Kei-Dei

²⁰ Sư pơlôch lê̆ lu 'bok soi mă jang lăm anih yang pơm kơpal anih kơjung, sư pơlôch kơtă kơpal chơnang soi hloi, soh rŭk lê̆ kơting đe noh. Đơ̆ng noh sư brŏk tơ Pơlei Jêrusalem.

II Pot 23:20 ပူးပေါင်းရင်းမြစ်များ

I Pot 13:2

Bơngai 'noh ôr khan kơ chơnang soi kiơ̆ thoi nơ̆r Kră Yang khan: “Ơ chơnang soi, chơnang soi! 'Nâu nơ̆r Kră Yang khan: 'Nâu đe gô tơpŭ kơ minh 'nu kon drŏ-nglo ăn kơ adrĕch hnam Đawit anăn sư Jôsia. Sư gô pơyơ̆r tơmam soi kơpal ih, lu 'bok soi đơ̆ng anih kơjung, lu 'bok soi noh bơngai mă soh tơmam 'bâu phu kơpal ih tơ rim anih kơjung păng đe gô soh kơting bơngai kơpal ih.”

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

II Pot 10:25

Lăp lu sư pơyơ̆r tơmam soi 'buh pơkhôi đang bơih, Jêhu khan kơ lu linh gak păng lu yŏng tih linh: “Mơ̆t pơlôch lu sư bĕ, pơlôch pơđĭ, 'nĕ kơ ăn bu gơh lĕch.” Thoi noh na lu sư pơlôch lu đe ei hăm đao gưm, lu bơngai gak păng lu yŏng tih linh klơ̆m lê̆ atâu lu đe ei tơ 'nguaih, na mơ̆t lăm anih hnam yang Baal.

II Pot 11:18

Đĭ-đăng kon pơlei lăm dêh char sư năm tơ anih hnam yang Baal, na yuih pơrăm lê̆ đĭ, teh pơchah lê̆ chơnang soi păng pôlôch lê̆ Mathan 'bok soi gah yang Baal 'bơ̆t anăp, Đơ̆ng noh Jêhôiada athei bơngai gak wei Hnam Akŭm kơkuh kơ Kră Yang.

II Ho 34:5

Sư kư̆m iŏk kơting lu 'bok soi na soh rŭk tơ kơpal lu chơnang mă lu sư juăt kơ soi kơ lu yang noh, na hơmet rơgoh char Juđa păng Jêrusalem.

Le 22:19

Bơngai bu ngôi kư̆ kă păng sem brem đe gô pơlôch.

Le 22:20

Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.