II Pot 23:2 - Sơ̆p Hlabơar Nơ̆r 'Bok Kei-Dei

² Đơ̆ng noh pơtao năm tơ Hnam akŭm Kră Yang, lơ bơngai kiơ̆ sư đei đĭ-đăng lu bơngai Juđa, lăm Pơlei Jêrusalem, đĭ-đăng lu 'bok soi, lu bơngai khan lê̆ adrol păng đĭ-đăng kon pơlei, 'lơ̆p 'lŏ kiơ̆ sư. Sư đŏk ăn kơ lu đe ei mơ̆ng dôm lu nơ̆r lăm sơ̆p hla bơar Kră Yang pơgơ̆p pơkă mă đêl đe chă 'bôh đơ̆ng lăm Hnam akŭm kơkuh kơ Kră Yang.

II Pot 23:2 ပူးပေါင်းရင်းမြစ်များ

Bl 19:11

Na phak lu kon pơlei iŏk đơ̆ng 'lơ̆p truh tơ kră, 'bơ̆t 'măng ei, lu sư măt bơbôl đĭ, dĭng lu sư chơchă 'măng ưh pă băt.

I Pot 8:9

Lăm Hom Pơgơ̆p 'noh đei 'bar hlak gơ'bang păng tơmo đơ̆ng Môis dan lê̆ đơ̆ng kông Hôrêp; iŏk đơ̆ng năr Kră Yang pơgơ̆p pơkă pơkăm hăm lu bơngai Isơrael kơplah lu sư 'nao lĕch đơ̆ng dêh char Êyiptơ.

II Pot 22:8

Hilkia, 'bok soi tơm, sư khan kơ Saphan bơngai chih hla bơar: “Inh chă 'bôh bơih Sơ̆p hla bơar khôi juăt đơ̆ng lăm Hnam akŭm kơkuh kơ Kră Yang.” Hilkia ăn kơ Saphan sơ̆p hla bơar noh, na Saphan iŏk đŏk lăng.

II Ho 15:13

Bu mă ưh kơ chă Kră Yang 'Bok Kei-Dei Isơrael gô pơlôch, mă 'lơ̆p mă jŏ, drŏ-nglo dah drŏ-kăn.

II Ho 17:9

Lu sư năm chĕp hla bơar khôi juăt Kră Yang năm tơ jơ̆p lu pơlei bơtho tơbăt ăn kơ kon pơlei pơla lăm char Juđa,

Ne 13:1

Lăm năr noh, đe đŏk lăng lăm sơ̆p hla bơar Môis đei ăn kơ kon pơlei mơ̆ng; lăm noh đei chih roi kơ bơngai Ammôn păng bơngai Môap ưh kơ gơh mơ̆t akŭm ôh lăm hnam akŭm Kră Yang 'Bok Kei-Dei.

Ne 9:3

Lu sư iung dơ̆ng kơtă anih, đŏk lăm sơ̆p hla bơar khôi juăt Kră Yang 'Bok Kei-Dei lu sư kơdih đunh dang minh lăm puăn lăm năr noh, minh lăm puăn dơ̆ng, lu sư tơbral tơdrong yoch păng kơkuh kơ Kră Yang 'Bok Kei-Dei lu sư.

Esther 1:5

Đơ̆ng rŏng kơ lu năr noh hlôi boih, pơtao krao đĭ-đăng lu kon pơlei mă oei lăm pơlei tih Susa, mă pơm tih, pơm iĕ sŏng sa lăm tơpơh năr tơ anih lăm pơgar pơkao sư.

Jop 3:19

Tơ noh bơngai mơdrŏng, dơnuh kư̆m lei-lăi, păng bơngai đĭch gơh rơngei đơ̆ng yŏng tơ'ngla sư pơgŏ pơđep.”

Horiso 115:13

Sư gô ăn tơdrong pŭn hiôk kơ lu đe bu mă hli yom kơ Kră Yang. Mă lu iĕ dah tih kư̆m lei-lăi.

Je 34:8

Kră Yang khan kơ Jêrêmi đơ̆ng rŏng kơ pơtao Sêđekia pơm nơ̆r pơgơ̆p hăm đĭ-đăng lu kon pơlei pơla tơ Jêrusalem, roi tơbăt ăn rơngei kơ lu đĭch.

Jang 26:22

Mă-lei đơ̆ng sơ̆ khơ̆ dang ei 'Bok Kei-Dei wei-lăng hăm tơgŭm inh, na dang ei inh dơ̆ng 'bơ̆t âu bơtho tơdrong Yêsu. Inh bơtho kơ đĭ-đăng, mă lu bơngai pơm tih, mă lu bơngai iĕ, lei-lăi đĕch. Tơdrong inh bơtho kư̆m lei-lăi thoi Môis hăm thoi lu bơngai pơtruh nơ̆r 'Bok Kei-Dei khan lê̆ hơdrol sơ̆.

Both 31:26

iŏk bĕ sơ̆p hla bơar khôi juăt 'nâu, lê̆ 'bơ̆t cheng Hom Tơdrong Pơgơ̆p Kră Yang 'Bok Kei-Dei lu iĕm, lê̆ Sơ̆p hla bơar tơ noh 'bơ̆t cheng Hom Tơdrong Pơgơ̆p pơm nơ̆r tơbăt pơsĭt ayăt hăm lu iĕm:

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.

I Sam 30:2

lu sư rôp lu bơngai drŏ-kăn păng đĭ-đăng lu 'lơ̆p 'lŏ mă oei lăm noh. Lu sư ưh kơ đei pơlôch minh 'nu bơngai bu, sư chông ba pơđĭ pơm bơnă.

I Sam 5:9

Mă-lei đơ̆ng rŏng kơ đe tung Hom Pơgơ̆p Kră Yang 'Bok Kei-Dei truh tơ pơlei Gat boih Kră Yang phak pơlei ei, ăn đei tơdrong truh kơ lu sư hli rŭng răng. Lăm kon pơlei noh, đơ̆ng hơ'lơ̆p truh tơ đe kră; đĭ lu sư tă kơ đei jĭ pơtôch ngăl.