II Pot 23:14 - Sơ̆p Hlabơar Nơ̆r 'Bok Kei-Dei

¹⁴ Sư teh pơchah lê̆ lu rup yang pơm păng tơmo, kăl tơpăk lê̆ gơ̆ng rup yang yă Asêra păng tuh pơlŭl lê̆ kơting bơngai tơ noh.

II Pot 23:14 ပူးပေါင်းရင်းမြစ်များ

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 23:16

Lăp Jôsia hue lăng, 'bôh hĭ lu bơsat tơ kơpal kông; na sư wơh bơngai năm iŏk kơting đơ̆ng lăm bơsat noh, đơ̆ng noh soh tơ kơpal chơnang soi, pơm kơ chơnang soi kơnê̆ 'mê̆-'mach thoi nơ̆r Kră Yang, mă đơ̆ng bơngai 'Bok Kei-Dei yua tơ'ngla mă roi tơbăt lê̆ adrol bơih kơ tơdrong noh.

Le 23:24

Ih 'nĕ drap kơkuh păng soi sơmah kơ lu yang lu sư, 'nĕ kơ pơm rok kiơ̆ tơdrong jang lu sư, mă-lei athei pơrăm đĭ dôm lu rup yang păng juă pơhĕch dôm lu gơ̆ng rup yang sư.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Êsai 44:19

Ưh kơ đei bu gơh chă tơchĕng. Ưh kơ đei bu hlôh băt, wă pơma khan: “Inh tơkuh iŏk minh puăt bơih pơm 'long ŭnh inh 'buh 'bĕng kơpal ngar ŭnh, 'buh 'nhĕm păng inh sa bơih. Oei rơkah pă minh puăt inh hăm yua pơm tơmam krưp đe areh ưh? Inh hăm năm bon kơkuh kơ minh jăl 'long ưh?”

Êsêkiên 6:5

Inh gô dan akâu lu bơngai lôch kon pơlei Isơrael 'bơ̆t anăp rup yang lu sư păng săi kơting lu sư jum dăr kơ chơnang soi.

Mi 1:7

Đĭ-đăng lu rup man sư gô pơchah đĭ dôm lu tơmam lu sư iŏk sa pơgâm gô soh đĭ lăm ŭnh. Inh gô pơrăm lê̆ đĭ lu rup man lu sư; yua kơ mŭk tơmam lu sư mong 'măn noh đơ̆ng lu sư pơm đi, thoi noh lu sư yua tơmam noh apah ăn kơ lu bơngai pơm đi.

Jo 19:16

Tơ bri brah, bơngai bu hơtŭt 'bơm kơ bơngai lôch kơ đao gưm đe 'bet, dah akâu bơngai lôch, kơting bơngai lôch dah bơsat, gô jing 'mê̆-'mach lăm tơpơh năr,

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Jo 33:52

Puh bĕ pơđĭ kon pơlei oei lăm char noh đơ̆ng anăp lu iĕm, pơrăm pơđĭ lu rup yang mă lu sư mam hling kơtă păng kư̆m athei pơrăm lê̆ đĭ lu anih kơjung mă lu sư pơm yang.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.