II Pot 23:11 - Sơ̆p Hlabơar Nơ̆r 'Bok Kei-Dei

¹¹ Lu sư teh pơpuh lu aseh mă lu pơtao đe Juđa pơyơ̆r ăn kơ yang măt 'năr, pơdơ̆ng 'bơ̆t 'măng mơ̆t tơ Hnam akŭm kơkuh kơ Kră Yang, jê̆ hnam linh krĕo anăn sư Nathan Mêlek, 'bơ̆t cham Hnam akŭm,’ Jôsia soh rŭk lê̆ đĭ lu gre aseh pơyơ̆r kơ yang măt 'năr.

II Pot 23:11 ပူးပေါင်းရင်းမြစ်များ

II Pot 23:5

Sư kư̆m puh tơweh lê̆ lu 'bok soi jang kơ lu rup yang, mă đêl pơtao đe Juđa hlôi pơkă wă pôk lu sư soh 'long 'bâu phu tơ anih kơjung, pơm jơ̆p-jang kơ dêh char Juđa păng pơm tơ anih tăp dăr Pơlei Jêrusalem. Sư kư̆m puh tơweh lê̆ lu 'bok soi soh 'long 'bâu phu ăn kơ yang Baal, măt 'năr, măt khei păng đĭ-đăng lu sơnglŏng kơpal plĕnh.

I Ho 26:18

Tơ 'bar tŏ anih gah Bơmơ̆t đei puăn 'nu 'bơ̆t 'nguaih kơ trong păng đei 'bar 'nu bơngai 'bơ̆t lăm cham.

II Ho 14:5

Sư kư̆m hŭt lê̆ đĭ lu jrăng gơ̆ng soi kơkuh kơ yang tơ anih kơjung păng chơnang soi đơ̆ng rim pơlei lăm char Juđa; dêh char sư pơgơ̆r đei hiôk-hian.

II Ho 34:4

Đe teh pơchah lê̆ đĭ lu chơnang soi kơ lu rup yang Baal 'bơ̆t anăp sư, teh pơchah pơhĕch lu chơnang soh 'long 'bâu phu kơpal chơnang soi noh; lu rup yang Asêria, rup yang đe traih păng rup yang đe hling tuh, teh tơgơ̆ tơpơ̆k lê̆, teh pơhĕch, na iŏk prôi tơ kơpal bơsat lu bơngai lôch mă đêl soi sơn ah kơ sư păng pơm rup yang noh.

Jop 31:26

Tơdah inh lăng tơ măt 'năr pơchrang hơdah Păng măt khei lĕch pơchrang hơdah hơdong rơđah,

Êsêkiên 40:17

Sư chông ba inh năm tơ cham gah 'nguaih, tơ noh đei lăm lu anih, pơm hơnă păng tơmo jum dăr kơ cham; đei pêng-jĭt tŏ anih pơm tơklă hơnă păng tơmo.

Êsêkiên 8:16

Na, Kră Yang Sư ba inh mơ̆t tơ cham hnam Kră Yang; păng tơ noh trong mơ̆t tơ hnam kơkuh kơ Kră Yang, tŏk-bŏk kơdeng 'măng păng chơnang soi, inh 'bôh đei dang 'bar-jĭt pơđăm 'nu bơngai drŏ-nglo, rŏng tơwih kơ hnam Kră Yang păng muh măt lu sư tơwih gah hơlĕch, drap kơkuh kơ măt 'năr đơ̆ng hơlĕch.

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.