II Pot 22:7 - Sơ̆p Hlabơar Nơ̆r 'Bok Kei-Dei

⁷ Mă-lei, huay pă jô̆ dơ̆ng jên mă đe jao bơih kơ lu sư, yua kơ lu sư bơngai jang 'lơ̆ng jang tơnăp.”

II Pot 22:7 ပူးပေါင်းရင်းမြစ်များ

II Pot 12:15

Lu bơngai mă chĕp jên chă asong lu đe thơ̆ jang noh, đe ưh kơ athei sư chih jô̆ lăng yua kơ lu đe ei jang tơpăt tơnăp ngăl.

II Pot 22:6

Noh lu thơ̆ traih ming 'long, thơ̆ pơm thơ̆ man tơmo păng yua răt 'long păng răt tơmo đe blah bơih wă hơmet ming Hnam akŭm.

II Ho 24:14

Đang kơ lu sư pơm keh boih lu sư năm ba lu jên mă rơkah noh kơ pơtao păng Jêhôiada; lu sư yua lu jên noh pơm tơmam wă yua lăm Hnam Kră Yang, thoi wă pơyơ̆r tơmam soi 'buh, lu pơnhan chhĕr păng lu tơmam đe pơm păng hu maih. Đĭ lăm chăl Jêhôiada đe năm pơyơ̆r tơmam soi lăm Hnam Kră Yang ling-lang.

Ne 7:2

na inh pơjao ăn Hanani, oh inh păng Hanania pơm kuan wei-lăng hnam pơtao pơgơ̆r pơlei Jêrusalem yua kơ bre sư bơngai tơnăp păng hli yom kơ Kră Yang 'Bok Kei-Dei hloh kơ lu bơngai nai.

Tơdrông Pơđơk 28:20

Bơngai tơpăt gô đei pŭn hiôk lơ; Bơngai bu hăt chă mơdrŏng pă jor gô phak pơmat.

I Kor 4:2

Yŏng sư pơjao ăn kơ minh 'nu đam sư chă asong rim 'nu kơ đam sư, na đam mă sư pơjao noh athei kiơ̆ kơ nơ̆r yŏng sư pơkă.

II Tim 2:2

Ih athei iŏk dôm nơ̆r ih mơ̆ng inh bơtho ih 'bơ̆t anăp đe tơpôl sơ̆, na ih bơtho dơ̆ng kơ lu bơngai mă lui kơjăp, na lu sư gô bơtho dơ̆ng kơ lu đe nai.

III Yo 1:5

Ơ oh, lu 'nhŏng oh bơngai lui năm tơ ih, lu sư bơngai tơmoi mă-lei ih tơgŭm mơnat kơ lu sư.