II Pot 22:4 - Sơ̆p Hlabơar Nơ̆r 'Bok Kei-Dei

⁴ “Năm bĕ tơ 'bok soi tơm anăn sư Hilkia, wă kơ sư jô̆ jên mă đe hlôi chĕp ba bơih tơ lăm hnam akŭm Kră Yang, noh jên mă lu bơngai wei 'măng Hnam akŭm hlôi iŏk bơih đơ̆ng kon pơlei

II Pot 22:4 ပူးပေါင်းရင်းမြစ်များ

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

II Pot 12:5

apinh lu 'bok soi, athei chă iŏk jên noh đơ̆ng lu bơngai mă pơyơ̆r, đơ̆ng noh yua jên ei hơmet ming hnam akŭm 'bơ̆t yơ mă pơchah tơphĕ.”

II Pot 18:18

Đơ̆ng noh, lu sư apinh pơma dơnuh hăm pơtao; Êliakim, kon drŏ-nglo Hilkia, 'bok tih wei hnam pơtao; Sepna bơngai chih hla bơar, păng Jôa kon drŏ-nglo Asap bơngai chih răk dôm tơdrong truh, lĕch năm tơ'bơ̆p lu sư.

I Ho 6:13

Sallum pơjing Hilkia, Hilkia pơjing Asaria;

I Ho 9:11

Asaria, kon drŏ-nglo Hilkia, Hilkia kon drŏ-nglo Mêsulam; Mêsulam kon drŏ-nglo Sađok; Sađok kon drŏ-nglo Mêraiôt, Mêraiôt kon drŏ-nglo Ahitup, mă bơngai wei-lăng hnam akŭm Kră Yang 'Bok Kei-Dei;

I Ho 9:19

Sallum, kon drŏ-nglo Kôrê, sâu Êbiasap, sâu i Kôra păng lu 'nhŏng oh pôm yă 'bok lu sư lu kon pơlei bơngai Kôrê, wei-lăng bơ̆jang, gak 'măng hnam Anih akŭm; sơ̆ 'bok lu sư kư̆m wei gak 'măng bơsŭn anih akŭm Kră Yang.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

Ne 11:19

Lu bơngai wei 'măng jang Akup, Tamôn păng 'nhŏng oh lu sư, lu bơngai gak 'măng jang đei minh-hrĕng tơpơh-jĭt 'bar 'nu.

Horiso 84:10

Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.