II Pot 22:2 - Sơ̆p Hlabơar Nơ̆r 'Bok Kei-Dei

² Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.

II Pot 22:2 ပူးပေါင်းရင်းမြစ်များ

I Pot 11:38

Tơdah ih chu kiơ̆ nơ̆r Inh pơkă, năm lăm trong Inh, pơm 'lơ̆ng tơpăt 'bơ̆t anăp Inh, hăm wei răk khôi juăt Inh păng nơ̆r Inh tơtă thoi Đawit đĭch đam Inh đei pơm, lei Inh gô oei hơdai ih. Inh gô pơm kơ adrĕch hnam ih kơjăp thoi Inh đei pơm kơ Đawit păng Inh gô ăn bơngai Isơrael kơ ih.

I Pot 15:11

Asa pơm 'lơ̆ng tơpăt 'bơ̆t anăp Kră Yang, thoi Đawit 'bok kơdră sư đei pơm.

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 3:6

Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

II Pot 12:3

Mă-lei, sư ưh kơ hŭt lê̆ hnam kơkuh kơ yang pơm tơ anih kơjung, lu kon pơlei oei hơnơ̆ng kơ soi sơmah kơ yang păng soh tơ kơpal anih 'bâu phu kơjung noh.

II Pot 14:3

Sư pơm 'lơ̆ng 'bơ̆t anăp Kră Yang, mă-lei sư ưh kơ thoi Đawit, 'bok kơdră sư sơ̆; sư pơm tơdrong rok thoi Jôas 'bă sư đei pơm.

II Pot 16:2

Ahas sư 'nao 'bar-jĭt sơnăm kơplah sư tŏk pơm pơtao; sư pơgơ̆r mơjĭt-tơdrâu sơnăm tơ Pơlei Jêrusalem. Sư ưh kơ pơm 'lơ̆ng 'bơ̆t anăp Kră Yang 'Bok Kei-Dei sư, thoi Đawit 'bok kơdră sư sơ̆ hlôi pơm.

II Pot 18:3

Sư pơm 'lơ̆ng 'bơ̆t anăp Kră Yang thoi Đawit, 'bok kơdră sư sơ̆ hlôi pơm.

II Ho 17:3

Kră Yang oei hơdai hăm Jêhôsaphat, yua kơ sư yak kiơ̆ trong 'bok Đawit, ưh kơ kiơ̆ yang Baal ôh,

II Ho 29:2

Sư pơm tơdrong 'lơ̆ng tơpăt 'bơ̆t anăp Kră Yang thoi Đawit 'bok sư đei pơm boih.

II Ho 31:20

Tơ jơ̆p lăm char Juđa, Hesekia pơm thoi noh, sư pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei lu sư.

II Ho 34:1

Jôsia 'nao lăp tơhngam sơnăm 'bơ̆t kơplah đe pôk sư pơm pơtao păng sư pơgơ̆r đei pêng-jĭt mônh sơnăm lăm pơlei Jêrusalem.

Tơdrông Pơđơk 20:11

Mă hơ'lơ̆p bơ̆n gơh 'bôh sư liơ, noh đơ̆ng sư pơm. Sư rơgoh 'lơ̆ng, dah tơpăt.

Tơdrông Pơđơk 4:27

'Nĕ kơ weh-woh 'ma 'ngiĕo, Jơ̆ng ih weh bĕ đơ̆ng tơdrong kơnê̆.

Jêphania 1:1

'Nâu boih nơ̆r Kră Yang khan kơ Jêphania, kon drŏ-nglo Kusi, sâu Gêđalia, sâu Amaria, Hesekia. Lăm chăl Jôsia, kon drŏ-nglo Ammôn pơm pơtao đe Juđa:

Both 5:32

Thoi noh, lu iĕm athei kơchăng pơm kiơ̆, thoi Kră Yang 'Bok Kei-Dei lu bơ̆n hlôi pơkă boih. 'Nĕ kơ weh gah 'ma, dah gah 'ngiĕo.

Jôsuê 1:7

Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.