II Pot 22:17 - Sơ̆p Hlabơar Nơ̆r 'Bok Kei-Dei

¹⁷ Yua kơ lu bơngai Juđa achăng lê̆ Inh bơih, soh 'long 'bâu phu ăn kơ yang nai, tơblĕk, pơm kơ Inh areh yua kơ đơ̆ng tơdrong jang đêl tơpang ti lu sư pơm, noh bơih tơdrong Inh hil mĭl gô tuh 'bơ̆t anih 'nâu, inh ưh kơ layơ păt hơngăm.

II Pot 22:17 ပူးပေါင်းရင်းမြစ်များ

II Pot 21:22

Sư achăng lê̆ Kră Yang 'Bok Kei-Dei lu yă 'bok sư, sư ưh kơ năm kiơ̆ trong Kră Yang ôh.

II Ho 28:25

Tơ rim pơlei lăm char Juđa, sư pơjing pơdơ̆ng lu anih kơjung wă soh tơmam 'bâu phu ăn kơ lu yang nai, wă tơblĕk Kră Yang 'Bok Kei-Dei 'bok sư.

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Je 22:9

Gô đei bơngai tơl khan: ‘‘Noh yua kơ đơ̆ng kon pơlei âu achăng lê̆ tơdrong pơgơ̆p hăm Kră Yang, 'Bok Kei-Dei lu sư kơdih, na bơwih bơwăn păng kơkuh kơ yang nai.’ ”

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Mi 5:13

Inh gô toh hŭt lê̆ rup yang Aserim đơ̆ng lu iĕm. Đơ̆ng noh Inh gô pơrăm lê̆ đĭ dôm lu pơlei tih lu iĕm.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Sa 1:2

“Kră Yang ưh kơ lăp đon kơ yă 'bok iĕm.

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Both 32:23

Inh gô tơpŭ ăn tơdrong răm pơmat-tat tơ kơpal lu sư. Iŏk hră Inh prah lu sư, dĭng đĭ 'brơ̆m.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.