II Pot 22:13 - Sơ̆p Hlabơar Nơ̆r 'Bok Kei-Dei

¹³ “Năm, krao apinh kơ inh Kră Yang bĕ, krao apinh kơ kon pơlei pơla, păng krao apinh kơ đĭ char Juđa bơ̆n gah dôm lu nơ̆r lăm sơ̆p hla bơar mă 'nao 'bôh noh. Yua kơ tơdrong blĕk Kră Yang tuh ăn kơ bơ̆n tih dêh, kơlih kơ yă 'bok bơ̆n ưh kơ chu pơm kiơ̆ ôh dôm lu nơ̆r lăm sơ̆p hla bơar 'nâu păng ưh kơ pơm kiơ̆ tơdrong mă Kră Yang hlôi chih bơtho khan kơ lu bơ̆n.”

II Pot 22:13 ပူးပေါင်းရင်းမြစ်များ

II Pot 23:26

Mă-lei, Kră Yang oei blĕk, Sư hil mĭl kơ lu bơngai Juđa ưh kơ hơi ôh, oei ơh blĕk yua kơ tơdrong yoch mă Manase oei pơm

II Pot 3:11

Mă-lei, Jêhôsaphat khan: “Tơ âu ưh kơ đei bơngai khan lê̆ adrol mă Kră Yang wă kơ bơ̆n gơnang kơ sư 'noh jet apinh Kră Yang tơgŭm bơ̆n hă?” Minh 'nu bơngai jang kơ pơtao đe Isơrael tơl thoi âu: “Tơ âu đei Êlisê, kon drŏ-nglo Saphat, bơngai mă đêl tuh đak ăn kơ Êli ôp ti.”

II Ho 29:6

Lu 'bok bơ̆n sơ̆ pơm glăi, pơm tơdrong kơnê̆ 'bơ̆t anăp Kră Yang 'Bok Kei-Dei lu bơ̆n; lu sư achăng hŭt lê̆ Kră Yang boih, đê̆ ưh pă 'maih lăng boih Anih Kră Yang oei păng tơwih rŏng kơ Sư.

II Ho 34:21

“Năm krao apinh bĕ Kră Yang kơ inh kơ lu bơngai Isơrael oei arih hlot păng lu bơngai Juđa gah dôm nơ̆r mă đei chih lăm sơ̆p hla bơar mă 'nao 'bôh âu khan; kơ tơdrong Kră Yang hil mĭl mă truh tơ lu bơ̆n tih tơpă, yua kơ lu 'bok bơ̆n sơ̆ ưh kơ wă mơ̆ng păng ưh kơ chu kiơ̆ nơ̆r Kră Yang, kư̆m kuă kơ pơm kiơ̆ nơ̆r mă đei chih lăm sơ̆p hla bơar âu.”

Ne 9:3

Lu sư iung dơ̆ng kơtă anih, đŏk lăm sơ̆p hla bơar khôi juăt Kră Yang 'Bok Kei-Dei lu sư kơdih đunh dang minh lăm puăn lăm năr noh, minh lăm puăn dơ̆ng, lu sư tơbral tơdrong yoch păng kơkuh kơ Kră Yang 'Bok Kei-Dei lu sư.

Horiso 106:6

Lu nhôn păng 'bok lu nhôn pơm yoch boih; Lu nhôn đei yoch glăi pơm kơnê̆ tơpă.

Horiso 25:14

Kră Yang pơdah ăn tơdrong hlơpa hăm lu Bơngai đe mă hli yom kơ Sư. Tơ'bôh ăn kơ bơngai noh băt tơdrong Sư pơgơ̆p.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Horiso 76:8

Ih pơma khan đơ̆ng plĕnh kơ tơdrong sek tơlang. Na teh hli tơrơ, ngăn hreh. Sêla

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Tơdrông Pơđơk 3:6

'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Nhom 5:7

'Bok yă lu nhôn pơm yoch boih, dang ei lu sư lôch đĭ boih. Lu nhôn pŭ iŏk tơdrong kơnê̆ lu sư.

Da 9:10

Lu nhôn kuă kơ mơ̆ng nơ̆r Kră Yang 'Bok Kei-Dei lu nhôn, mă Sư wă kơ rok kiơ̆ trong khôi juăt Sư đei yua lu đĭch đam Sư wă khan lu bơngai khan lê̆ adrol khan 'bơ̆t anăp lu nhôn.

Lêwi 26:14

Mă-lei tơdah lu iĕm mă ưh kơ mơ̆ng Inh păng ưh kơ pơm kiơ̆ nơ̆r Inh tơtă âu,

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Rom 4:15

Dôm lu bơngai mă gơnang kơ akâu sư kơdih wă kiơ̆ tơdrong juăt 'Bok Kei-Dei pơkă sơ̆, lu sư trŏ kơ 'Bok Kei-Dei wă phak, yua kơ lu sư ưh kơ kĕ kiơ̆ tơdrong juăt 'Bok Kei-Dei pơkă. Tơ̆ng ưh kơ đei tơdrong juăt, bơ̆n ưh kơ băt pơm yoch kơ tơdrong juăt ôh.

Rom 7:9

Sơ̆ kơplah inh tam mă băt kơ tơdrong yoch, inh oei hiôk; lăp đơ̆ng năr inh băt kơ tơdrong pơm yoch, jơhngơ̆m inh ưh pă hiôk boih, inh băt kơ inh trŏ kơ 'Bok Kei-Dei wă phak pơlôch.

Both 27:26

Hiap pơtê̆ bĕ kơ bơngai bu ưh kơ wei răk pơm kiơ̆ dôm lu nơ̆r lăm khôi juăt 'nâu! Đĭ-đăng kon pơlei gô khan: A-men!

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”