II Pot 22:10 - Sơ̆p Hlabơar Nơ̆r 'Bok Kei-Dei

¹⁰ Saphan bơngai chih hla bơar khan: “Hilkia, 'bok soi tơm, sư ăn kơ inh minh sơ̆p hla bơar.” Đơ̆ng noh Saphan, đŏk tơm măt pơtao.

II Pot 22:10 ပူးပေါင်းရင်းမြစ်များ

II Pot 22:11

Lăp wă pơtao kơtơ̆ng nơ̆r lăm Sơ̆p hla bơar khôi juăt boih, na sư hek hloi ao sư.

II Pot 22:9

Đơ̆ng noh, Saphan bơngai chih hla bơar năm tơ'bơ̆p pơtao na khan: “Lu đĭch đam Ih ăn bơih jên mă chă đei lăm hnam akŭm noh păng jao bơih 'bơ̆t ti lu bơngai wei tơdrong jang pơm hơmet ming Hnam akŭm kơkuh kơ Kră Yang.”

II Ho 34:18

Saphan bơngai chih hla bơar khan dơ̆ng kơ pơtao: “Hilkia 'bok soi tơm đei jao kơ inh sơ̆p hla bơar khôi juăt.” Saphan đŏk hloi 'bơ̆t anăp pơtao.

Ne 13:1

Lăm năr noh, đe đŏk lăng lăm sơ̆p hla bơar Môis đei ăn kơ kon pơlei mơ̆ng; lăm noh đei chih roi kơ bơngai Ammôn păng bơngai Môap ưh kơ gơh mơ̆t akŭm ôh lăm hnam akŭm Kră Yang 'Bok Kei-Dei.

Ne 8:18

Rim năr, đơ̆ng năr blŭng-a truh tơ năr tuch-luch, sư đŏk lăm sơ̆p hla bơar khôi juăt Kră Yang 'Bok Kei-Dei. Lu sư pơm giĕng sŏng sa lăm tơpơh năr; truh năr mă tơhngam đei akŭm pơm giĕng tih, pơm kiơ̆ thoi đei tơtă boih.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

Je 36:13

Mikaia roi ăn kơ lu sư dôm nơ̆r mă sư kơtơ̆ng Baruk đŏk ăn kơ lu kon pơlei mơ̆ng đơ̆ng lăm sơnôm hla bơar noh.

Je 36:15

Đe noh khan kơ sư: “Hơ-oei păng đŏk ăn kơ nhôn mơ̆ng bĕ. Na Baruk đŏk ăn kơ lu sư mơ̆ng.

Je 36:21

Pơtao wơh Jêhuđi năm iŏk sơnôm hla bơar; na Jêhuđi năm iŏk hla bơar noh đơ̆ng lăm anih Êlisama 'bok chih hla bơar, na đŏk ăn kơ pơtao păng lu yŏng pơgơ̆r mă oei tăp kơ pơtao wang mơ̆ng.

Je 36:6

Thoi noh ih athei năm mơ̆t tơ lăm hnam Kră Yang, lăm năr đe ơ̆t kơ sŏng sa, đŏk kơ kon pơlei pơla mơ̆ng dôm nơ̆r Kră Yang, inh roi ăn kơ ih chih tơ lăm sơnôm hla bơar noh. Ih kư̆m athei đŏk ăn kơ kon pơlei Juđa mă 'nao truh đơ̆ng pơlei lu sư mơ̆ng mơ̆n.