II Pot 21:9 - Sơ̆p Hlabơar Nơ̆r 'Bok Kei-Dei

⁹ Mă-lei lu sư ưh kơ mơ̆ng ôh, lu sư chu Manase pơhlŭ pơlung lu sư pơm tơdrong kơnê̆ lơ hloh kơ lu adrĕch adrung mă Kră Yang hlôi pơrăm pơtôch bơih 'bơ̆t anăp bơngai Isơrael.

II Pot 21:9 ပူးပေါင်းရင်းမြစ်များ

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.

II Pot 21:10

Na Kră Yang yua lu bơngai khan lê̆ adrol, lu đĭch đam Sư, bơtho khan kơ lu sư:

II Ho 33:9

Mă-lei Manase pơhlŭ bơngai Juđa păng kon pơlei Jêrusalem dĭng mah lu sư pơm yoch kơnê̆ hloh kơ lu bơngai adrĕch mă Kră Yang pơrăm pơlôch đĭ 'bơ̆t anăp lu bơngai Isơrael.

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Horiso 12:8

Na lu bơngai kơnê̆ gô năm tơ jơ̆p puăn pah dêh. Dah tơdrong kơnê̆ gô pơyom hloh kơ lăm kon bơngai.

Horiso 81:10

Inh boih Kră Yang, 'Bok Kei-Dei iĕm, Inh Tơ'ngla dŏng pơklaih iĕm đơ̆ng dêh Êyiptơ. Ha bĕ 'bơ̆r iĕm mă să, Inh gô tah 'bĕnh.

Tơdrông Pơđơk 29:12

Tơdah lu kră pơgơ̆r mơ̆ng nơ̆r pơma hơlĕnh. Lei đĭ lu bơngai jang tă jing pơm kơnê̆ ngăl.

Êsêkiên 11:12

Na lu iĕm gô băt Inh boih Kră Yang, yua kơ lu iĕm ưh kơ kiơ̆ khôi juăt Inh, ưh kơ wei răk tơdrong Inh tơtă, mă-lei pơm kiơ̆ tơdrong juăt teh đak jum dăr kơ iĕm.”

Êsêkiên 16:47

Ih ưh kơ năm kiơ̆ trong lu sư ôh hă? Ưh kơ pơm dôm lu tơdrong kơnê̆ 'mê̆ krưp lei-lăi kơ lu sư ôh hă? Mă-lei ih pơm rai kơnê̆ hloh kơ lu sư lăm dôm trong ih năm bơih.

Êsêkiên 22:3

Khan bĕ kơ sư: Kră Yang khan thoi âu: Minh pôm pơlei pơm tuh pham lăm sư, Pơlei pơm lu rup yang pơ'mê̆ kơdih akâu; năr tôch sư truh bơih.

Êsêkiên 5:6

Isơrael ưh kơ chu blah plơ̆ khôi juăt păng nơ̆r Inh tơtă pơm kơnê̆ hloh kơ lu bơngai nai păng lu dêh char jum dăr kơ sư. Sư sơngah kơ khôi juăt Inh păng ưh kơ pơm kiơ̆ nơ̆r Inh tơtă.”

Êsêkiên 5:7

Lei na, Kră Yang Tih Hloh khan: Ih pơm kơnê̆ hloh kơ lu dêh char jum dăr kơ ih, ưh kơ pơm kiơ̆ nơ̆r Inh tơtă, ưh kơ wei khôi juăt Inh. Ih kư̆m ưh kơ kĕ pơm kiơ̆ tơdrong juăt lu dêh char jum dăr kơ ih,

Da 9:6

Lu nhôn ưh kơ mơ̆ng lu đĭch đam Ih wă khan lu bơngai khan lê̆ adrol, yua anăn Ih na khan kơ pơtao, lu kuan tih, lu 'bok yă nhôn păng đĭ kon pơlei kơpal teh.

Hôsia 5:11

Đe pơjuă pơđep boih lu bơngai Êphraim, pơchah pơchek lu sư lăm năr sek tơlang, yua kơ lu sư lăp đon rơih boih kiơ̆ lu yang nai.

Luka 13:34

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Yo 15:22

“Dah Inh ưh kơ năm bơtho lu sư lei lu sư ưh kơ hil kơ Inh ôh. Mă-lei dang ei lu sư hil kơ Inh păng kuă kơ lui kơ tơdrong Inh bơtho na lu sư chă tơdrong yoch tơpă.

Ya 4:17

Dang ei iĕm băt boih, na bơngai bu băt boih kơ tơdrong 'lơ̆ng tơdrong trŏ mă sư ưh kơ wă kiơ̆, bơngai noh yoch tơpă.

Tơdrông Tơ'bôh 2:20

Mă-lei minh tơdrong âu Inh ưh kơ lăp đon kơ iĕm, minh tơdrong iĕm kuă kơ pơpuh yă Jesebel bơngai kơnê̆ dêh. Sư khan sư bơngai pơtruh nơ̆r 'Bok Kei-Dei, mă-lei sư oei pơhlŭ lu đĭch đam Inh pơm pơyô ngôi kư̆ kă, sa tơmam đe soi sơmah kơ rup yang.

I Sam 8:19

Kon pơlei sơngah ưh kơ wă mơ̆ng nơ̆r Samuel, na khan: Ưh ôh, wă kơ đei minh 'nu pơtao pơgơ̆r lu nhôn.