II Pot 21:8 - Sơ̆p Hlabơar Nơ̆r 'Bok Kei-Dei

⁸ Dah lu bơngai Isơrael wei răk dôm tơdrong Inh bơtho khan, dôm tơdrong juăt Môis đĭch đam Inh hlôi bơtho kơ lu sư, lei Inh gô ưh kơ lê̆ lu sư chă năm jơ̆p-jang tơ 'nguaih kơ dêh char mă inh ăn bơih kơ lu yă 'bok lu sư.”

II Pot 21:8 ပူးပေါင်းရင်းမြစ်များ

II Sam 7:10

Inh gô ăn kơ kon pơlei Isơrael Inh minh anih oei, Inh gô ăn kơ sư chăt rơh lăm anih noh, ăn kơ lu sư oei kơjăp tơ anih noh, huay pă đei hli kơ kiơ dơ̆ng, păng lu bơngai kơnê̆ ưh pă gơh pơjuă pơđep thoi sơ̆ dơ̆ng.

I Ho 17:9

Inh gô ăn anih kơ kon pơlei pơla Inh Isơrael. Inh gô pơtăm lu sư tơ noh, wă kơ lu sư đei pơlei oei wă kơ đe huay pă đei pơrŭng lu sư boih, hăm wă kơ lu bơngai kơnê̆ pă đei năm pơrăm lu sư dơ̆ng, thoi chăl adrol sơ̆,

II Ho 33:8

Tơdah Isơrael rok kiơ̆ khôi juăt, nơ̆r tơtă pơkă athei mă Inh yua boih Môis bơtho khan kơ lu sư, lei Inh huay kơ toh lê̆ jơ̆ng lu sư đơ̆ng lăm teh đak mă Inh đei ăn boih kơ lu 'bok lu sư.”

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Êsai 1:19

Tơdah lu iĕm wă păng chu yom Inh, Lei lu iĕm gô sa tơmam 'lơ̆ng hloh lăm teh âu.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’