II Pot 21:24 - Sơ̆p Hlabơar Nơ̆r 'Bok Kei-Dei

²⁴ Mă-lei, kon pơlei lăm dêh char sư pơlôch lê̆ đĭ-đăng bơngai mă pơlôch pơtao Ammôn ei, păng pôk Jôsia, kon drŏ-nglo sư, tŏk pơm pơtao tơplih sư.

II Pot 21:24 ပူးပေါင်းရင်းမြစ်များ

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

I Pot 12:1

Rôbôam năm tơ pơlei Sichem, yua kơ đĭ-đăng bơngai Isơrael năm akŭm tơ noh bơih wă pôk sư pơm pơtao.

I Pot 12:20

Lăp lu kon pơlei Isơrael kơtơ̆ng ang Jêrôbôam brŏk bơih, lu sư wơh bơngai năm krao sư akŭm hơdai păng pôk sư pơm pơtao pơgơ̆r lu bơngai Isơrael. Ưh kơ đei bơngai bu kiơ̆ adrĕch Đawit lăp adrĕch Juđa đĕch kiơ̆.

II Pot 11:17

Jêhôiada pơjing tơdrong pơgơ̆p pơkă hơlam Kră Yang hăm pơtao păng kon pơlei wă kơ lu sư jing kon pơlei Kră Yang. Sư kư̆m pơjing tơdrong pơgơ̆p pơtao hăm kon pơlei mơ̆n.

II Pot 14:21

Đĭ-đăng kon Pơlei Juđa iŏk Asaria 'nao mơjĭt-tơdrâu sơnăm pôk pơm pơtao pơtrơp kơ Amasia, 'bă sư.

II Pot 14:5

Lăp dêh char sư pơgơ̆r pran kơjăp bơih, na sư pơlôch lu đĭch đam mă hlôi pơlôch 'bă sư sơ̆.

II Pot 21:25

Dôm lu tơdrong hơ'mon nai gah Ammôn păng tơdrong jang đêl sư pơm, đe đei chih bơih tơ lăm sơ̆p hla bơar hơ'mon gah lu pơtao đe Juđa

II Pot 22:1

Kơplah Jôsia tŏk pơm pơtao, sư 'nao tơhngam sơnăm; sư pơgơ̆r pêng-jĭt mônh sơnăm tơ lăm Pơlei Jêrusalem. Mĕ sư anăn Jêđiđa, kon drŏ-kăn Ađaya, đơ̆ng pơlei Bôskat.

II Ho 22:1

Lu kon pơlei oei lăm Jêrusalem pôk Ahasia kon adruch Jêhôram, pơm pơtao đe Juđa pơtrơp 'bă sư yua kơ khŭl linh hơdai hăm linh Arâp mơ̆t blah lăm kơđông linh sư, na pơlôch đĭ lu kon drŏ-nglo 'nhŏng kơ sư, thoi noh Ahasia kon drŏ-nglo hơdruch Jêhôram iung pơm pơtao đe Juđa.

II Ho 26:1

Đĭ-đăng kon pơlei Juđa pôk Usia pơm pơtao pơgơ̆r pơtrơp 'bă sư Amasia, sư 'nao lăp mơjĭt-tơdrâu sơnăm.

II Ho 33:25

Na lu kon pơlei kư̆m rôp pơlôch hloi lu bơngai pơlôch pơtao Ammôn; na pôk hloi Jôsia, kon drŏ-nglo sư pơm pơtao pơtrơp sư.

Je 1:2

Kră Yang khan kơ sư lăm sơnăm mơjĭt-pêng kơplah Jôsia, kon drŏ-nglo Ammôn pơgơ̆r pơm pơtao đe Juđa.

I Sam 11:15

Đĭ-đăng kon pơlei wang năm tơ Gilgal; tơ ei, 'bơ̆t anăp Kră Yang lu sư pơk Sôl pơm pơtao. Tơ ei lu sư pơyơ̆r tơmam soi bơnê kơ Kră Yang. Đơ̆ng noh, Sôl păng đĭ-đăng kon pơlei Isơrael et sa chơt hiôk pă băt dang yơ.