II Pot 21:18 - Sơ̆p Hlabơar Nơ̆r 'Bok Kei-Dei

¹⁸ Manase lôch thoi tep hiôk hăm lu 'bok kơdră sư, đe 'bŭ sư tơ lăm pơgar pơkao Usa. Pơgar pơkao lăm anih pơtao. Ammôn kon drŏ-nglo sư pơgơ̆r pơtrơp sư.

II Pot 21:18 ပူးပေါင်းရင်းမြစ်များ

II Pot 21:19

Kơplah Ammôn tŏk pơm pơtao, sư 'nao 'bar-jĭt 'bar sơnăm; sư pơgơ̆r 'bar sơnăm tơ lăm Pơlei Jêrusalem. Mĕ sư anăn Mesulemet, kon drŏ-kăn Harus, đơ̆ng Pơlei Jôtba.

II Pot 21:26

Đe 'bŭ sư tơ lăm bơsat tơ pơgar pơkao Usa; đơ̆ng noh Jôsia kon drŏ-nglo sư pơgơ̆r pơtrơp sư.

I Ho 3:14

kon drŏ-nglo Manase noh Ammôn, kon drŏ-nglo Ammôn noh Jôsia.

II Ho 21:20

Sư pơm pơtao kơplah sư 'nao pêng-jĭt 'bar sơnăm sư pơgơ̆r đei tơhngam sơnăm lăm pơlei tih Jêrusalem; sư lôch ưh kơ đei bu 'mêm kơ sư, đe 'bŭ sư lăm Pơlei Đawit, mă-lei ưh kơ đei 'bŭ hơdai lăm bơsat lu pơtao ôh.

II Ho 24:16

Đe 'bŭ sư hơdai hăm lu pơtao lăm Pơlei Đawit, yua kơ sư jang 'lơ̆ng tơgŭm lu bơngai Isơrael, bơ̆jang kơ Kră Yang 'Bok Kei-Dei păng đei pơdơ̆ng hơmet ming hnam akŭm Tơm Sư.

II Ho 24:25

Wă lu linh Siri weh tơ nai boih, lê̆ Jôas đei rơka jrŭ dêh. Lu Yŏng bơ̆jang kơ sư pơđâu wă pơm kơnê̆ kơ sư, wă tơiung kơting pơm 'mong pham kơ kon drŏ-nglo Jêhôiada 'bok soi, na đe pơlôch hloi Jôas 'bơ̆t kơpal giơng tep sư; đe 'bŭ sư tơ lăm Pơlei Đawit, mă-lei ưh kơ 'bŭ hơdai lu pơtao.

II Ho 28:27

Ahas lôch oei hơdai pơdơh hăm lu 'bok sư păng đe 'bŭ sư lăm pơlei Jêrusalem; mă-lei ưh kơ đei 'bŭ tah hơdai hăm bơsat lu pơtao Isơrael. Hesekia kon drŏ-nglo sư pơm pơtao pơgơ̆r pơtrơp sư.

II Ho 32:33

Hesekia lôch pơdơh hơdai hăm lu 'bok sư, đe 'bŭ sư tơ lăm bơsat kơpal groi lu kon sâu Đawit, đĭ-đăng bơngai Juđa păng kon pơlei Jêrusalem grong ư-ang kơ sư tih tơpă kơplah sư lôch Manase kon drŏ-nglo sư pơgơ̆r pơtrơp sư.

II Ho 33:20

Manase lôch, pơdơh oei hơdai hăm lu 'bok sư, 'bŭ sư lăm anih pơtao sư; Ammôn kon drŏ-nglo sư, pơm pơtao pơtrơp sư.

Je 1:2

Kră Yang khan kơ sư lăm sơnăm mơjĭt-pêng kơplah Jôsia, kon drŏ-nglo Ammôn pơgơ̆r pơm pơtao đe Juđa.

Je 22:19

Đe gô 'bŭ sư thoi đe 'bŭ aseh iĕ, đe gô hor sư tơ 'nguaih, păng klơ̆m lê̆ sư tơ ataih kơ 'măng jang pơlei Jêrusalem.

Jêphania 1:1

'Nâu boih nơ̆r Kră Yang khan kơ Jêphania, kon drŏ-nglo Kusi, sâu Gêđalia, sâu Amaria, Hesekia. Lăm chăl Jôsia, kon drŏ-nglo Ammôn pơm pơtao đe Juđa:

I Sam 25:1

Samuel lôch; đĭ-đăng lu bơngai Isơrael akŭm băl nhơ̆m hmoi kơ sư, đơ̆ng noh 'bŭ sư tơ lăm pơlei Rama. Đawit iung jur năm tơ char glă Pharan.