II Pot 21:14 - Sơ̆p Hlabơar Nơ̆r 'Bok Kei-Dei

¹⁴ Inh gô achăng hŭt lê̆ lu bơngai mă oei arih mă khan lu sư gah Inh ră, păng Inh jao lu sư kơ lu ayăt, lu sư jing tơmam sa lu ayăt păng thoi tơmam đe iŏk đêl tơblah jei bơih.

II Pot 21:14 ပူးပေါင်းရင်းမြစ်များ

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Pot 17:19

Khŭl Juđa kư̆m lei-lăi ưh kơ chu răk dôm nơ̆r Kră Yang 'Bok Kei-Dei lu sư tơtă mơ̆n; na lu sư pơm kiơ̆ tơdrong juăt mă lu bơngai Isơrael chă pơjing kơdih.

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

II Pot 19:4

Rŏ lăng Kră Yang 'Bok Kei-Dei ih kơtơ̆ng bơih dôm nơ̆r Rapsaka bơngai mă pơtao đe Asiri yŏng sư wơh wă năm pơjăm Kră Yang 'Bok Kei-Dei mă arih ling-lang păng Kră Yang ih gô hil phak dôm nơ̆r mă Sư hlôi kơtơ̆ng. Thoi noh, inh apinh ih krao khan tơgŭm lu bơngai mă oei arih.”

II Pot 21:13

Inh gô iŏk tơlei đơ̆ng pơtŏ dêh Samari păng tơlei đơ̆ng pơtŏ adrĕch Ahap, dăng lăm pơlei Jêrusalem dơ̆ng, inh gô sŭt pơgoh lê̆ pơlei Jêrusalem thoi đe ôp sŭt pơnhan, đơ̆ng noh gơsŭp lê̆ sư.

II Pot 21:15

Yua kơ lu sư pơm bơih tơdrong kơnê̆ 'bơ̆t anăp Inh, tơblĕk inh đơ̆ng năr yă 'bok lu sư lĕch đơ̆ng dêh Êyiptơ truh tơ dang ei.”

II Pot 23:27

Na Kră Yang khan: “Inh gô puh tơweh lê̆ lu bơngai Juđa đơ̆ng Inh, thoi Inh puh tơweh bơih lu bơngai Isơrael păng Inh gô pơrăm lê̆ Pơlei Jêrusalem mă Inh rơih bơih păng kư̆m pơrăm Hnam akŭm tơm mă Inh hlôi khan: Anăn Inh gô oei tơ noh.”

II Pot 24:2

Kră Yang ăn lu khŭl linh đe Kalđê, khŭl linh đe Asiri, păng khŭl linh đe Môap năm blah pơrăm char Juđa, wă khŭl linh đe Ammôn pơrăm lê̆ lu sư, kiơ̆ thoi nơ̆r Kră Yang yua nơ̆r lu bơngai khan lê̆ adrol, noh jơ̆ lu đĭch đam sư,

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

Horiso 74:1

Kră Yang 'Bok Kei-Dei, yua kơ kiơ Ih achăng lê̆ nhôn ling-lang? Liơ Ih hil kơ lu triu lăm tơmăn 'nhĕt hơdrih Ih?

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Je 12:7

Inh achăng boih hnam Inh, Inh lê̆ boih kon pơlei Inh; Inh jao boih kon pơlei mă Inh 'mêm lăm ti lu bơngai ayăt kơ lu sư.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Je 23:33

“Dah kon pơlei 'nâu, lu 'bok khan lê̆ adrol, lu 'bok soi jet ih: ‘Tơdrong trăp đơ̆ng Kră Yang noh kiơ?’ Ih athei khan kơ lu sư: ‘Lu iĕm boih tơdrong trăp. Inh gô tŭk lê̆ iĕm,’ ” Kră Yang khan.

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

Nhom 1:5

Bơngai ayăt kơ sư jing yŏng, bơngai blah sư jing pŭn hiôk; Yua kơ 'Bok Kei-Dei pơmat sư, yua kơ tơdrong yoch sư lơ dêh. Lu kon hơ'lơ̆p sư lu ayăt rôp pơm bơnă.

Nhom 5:20

Liơ Kră Yang hiơt kơ lu nhôn ling-lang boih hă? Liơ Ih achăng lê̆ lu nhôn đunh đang?

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Am 5:2

Ơ bơngai adruh hơlai Isơrael pơ̆k huŏng boih, ưh pă kĕ iung dơ̆ng, sư noh đe klơ̆m lê̆ boih tơ teh, ưh kơ đei bu tơiung sư.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?