II Pot 21:13 - Sơ̆p Hlabơar Nơ̆r 'Bok Kei-Dei

¹³ Inh gô iŏk tơlei đơ̆ng pơtŏ dêh Samari păng tơlei đơ̆ng pơtŏ adrĕch Ahap, dăng lăm pơlei Jêrusalem dơ̆ng, inh gô sŭt pơgoh lê̆ pơlei Jêrusalem thoi đe ôp sŭt pơnhan, đơ̆ng noh gơsŭp lê̆ sư.

II Pot 21:13 ပူးပေါင်းရင်းမြစ်များ

I Pot 14:10

Yua kơ tơdrong 'noh na Inh gô ăn tơdrong truh pơmat kơ hnam adrĕch Jêrôbôam, Inh gô pơlôch đĭ lu bơngai drŏ-nglo, mă bơngai rơngei dah đĭch lăm khŭl Isơrael, Inh gô soh hơpuih pơgoh hnam adrĕch Jêrôbôam, thoi đe soh tơmam 'mê̆ dĭng mă goh.

II Pot 10:11

Jêhu kư̆m pơlôch đĭ lu adrĕch Ahap mă oei oei lăm Pơlei Jêsreel, pơlôch hloi kuan tih, lu buăl juăt sư ngơ-ngei, păng lu 'bok soi tơm sư, ưh pă đei lê̆ minh 'nu bu hloi.

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

II Pot 21:14

Inh gô achăng hŭt lê̆ lu bơngai mă oei arih mă khan lu sư gah Inh ră, păng Inh jao lu sư kơ lu ayăt, lu sư jing tơmam sa lu ayăt păng thoi tơmam đe iŏk đêl tơblah jei bơih.

II Pot 23:27

Na Kră Yang khan: “Inh gô puh tơweh lê̆ lu bơngai Juđa đơ̆ng Inh, thoi Inh puh tơweh bơih lu bơngai Isơrael păng Inh gô pơrăm lê̆ Pơlei Jêrusalem mă Inh rơih bơih păng kư̆m pơrăm Hnam akŭm tơm mă Inh hlôi khan: Anăn Inh gô oei tơ noh.”

II Pot 9:8

Đĭ-đăng adrĕch Ahap, Inh gô pơrăm pơlôch lê̆ đĭ lu bơngai drŏ-nglo adrĕch Ahap, mă khan bơngai đĭch, dah bơngai rơngei, pơlôch đĭ đơ̆ng lăm char Isơrael;

Êsai 10:22

Ơ lu bơngai Isơrael, mă khan adrĕch adrung iĕm lơ thoi chuơh cheng đak dơsĭ, lăp tŏ sĕt đĕch gô wih brŏk. Đei pơkă bơih wă pơrăm hăm tơdrong tơpăt hơnơ̆ng.

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 28:17

Inh gô iŏk tơdrong tơpăt hơnơ̆ng pơm tơlei pơtŏ, tơdrong 'lơ̆ng tơpăt pơm 'long hơgăt, 'mi prĕl gô pơrăm lê̆ anih pơma hơlĕnh lu iĕm ôn kơ'nơp, đak gô lơ̆p lê̆ iĕm lu sư wă kơdâu klĕnh.

Êsai 34:11

Sem bơrơ̆m păng jơma oei tơ anih noh, sem bơrơ̆m, sem ak gô oei tơ noh. Kră Yang 'Bok Kei-Dei gô dăng hăm tơlei tơdrong pơrăm lu sư păng pơtŏ hăm 'long thưk tơdrong tơhiong lu Sư.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Nhom 2:8

Kră Yang đei pơkă wă pơrăm dur kon adruh Siôn, Sư dăng boih tơlei hơgăt, Sư ưh tam mă đei layơ pơdơh ti pơrăm đe noh, Sư pơm dur wă pĕng păng dur pơlei nhơ̆m hmoi.

Êsêkiên 7:5

'Nâu tơdrong Kră Yang Tih Hloh khan: Tơdrong truh 'nâu, đei dơ̆ng tơdrong truh nai âu sư truh boih.

Sa 1:16

Thoi noh Kră Yang khan thoi âu: ‘Inh iŏk jơhngơ̆m 'mêm mơnat dơ̆ng kơ Jêrusalem; Inh gô man pơdơ̆ng hnam Inh dơ̆ng tơ lăm sư, tơlei đak mơ̆k pơtŏ gô dăng tơ pơlei Jêrusalem.’ Kră Yang khan thoi noh.