II Pot 21:11 - Sơ̆p Hlabơar Nơ̆r 'Bok Kei-Dei

¹¹ “Manase, pơtao đe Juđa hlôi pơm tơdrong yoch kơnê̆ krưp 'nâu păng pơm tơdrong kơnê̆ hloh kơ đĭ-đăng lu bơngai Amôrit hlôi pơm adrol kơ sư păng sư pơm kơ lu bơngai Isơrael pơm yoch kơkuh kơ lu rup yang đêl sư pơm.

II Pot 21:11 ပူးပေါင်းရင်းမြစ်များ

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 15:30

Tơdrong noh yua kơ đơ̆ng tơdrong yoch Jêrôbôam pơm kơ lu bơngai Isơrael dai pơm yoch păng pơm tơblĕk Kră Yang 'Bok Kei-Dei đe Isơrael.

I Pot 16:19

'Noh yua kơ đơ̆ng tơdrong yoch sư pơm, pơm tơdrong kơnê̆ 'bơ̆t anăp Kră Yang, rok kiơ̆ trong Jêrôbôam, kơdih akâu sư pơm yoch păng pơm ăn kơ Isơrael jing yoch kiơ̆.

I Pot 21:26

Dôm tơdrong sư pơm kơ Kră Yang areh dêh, sư kơkuh kơ rup yang thoi lu bơngai Amôrit kơkuh, lu sư noh kon pơlei pơla mă Kră Yang pơpuh tơlĕch bơih lu sư đơ̆ng anăp lu bơngai Isơrael.

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.

II Pot 21:10

Na Kră Yang yua lu bơngai khan lê̆ adrol, lu đĭch đam Sư, bơtho khan kơ lu sư:

II Pot 21:16

Hloh kơ noh dơ̆ng, Manase kư̆m pơlôch lơ bơngai ưh kơ đei yoch dĭng mah pham 'bĕnh-'bang kơ pơlei Jêrusalem, đơ̆ng pah âu truh tơ pah to, 'nguaih kơ tơdrong pơm kơ lu bơngai Juđa pơm yoch păng pơm kơnê̆ 'bơ̆t anăp Kră Yang hai dơ̆ng.

II Pot 21:2

Sư pơm kơnê̆ 'bơ̆t anăp Kră Yang, păng kơkuh tơdrong 'mê̆-'mach kiơ̆ thoi lu adrĕch adrung mă Kră Yang hlôi puh tơweh lê̆ đơ̆ng lu bơngai Isơrael.

II Pot 21:20

Sư pơm tơdrong kơnê̆ 'bơ̆t anăp Kră Yang lei-lăi thoi Manase 'bă sư hlôi pơm bơih.

II Pot 21:21

Sư năm rok kiơ̆ pôm trong 'bă sư rok bơih, bơ̆jang kơ rup yang mă đêl 'bă sư hlôi bơ̆jang bơih păng drap kơkuh bơih kơ lu rup yang noh.

II Pot 21:9

Mă-lei lu sư ưh kơ mơ̆ng ôh, lu sư chu Manase pơhlŭ pơlung lu sư pơm tơdrong kơnê̆ lơ hloh kơ lu adrĕch adrung mă Kră Yang hlôi pơrăm pơtôch bơih 'bơ̆t anăp bơngai Isơrael.

II Pot 23:24

Jôsia kư̆m pơrăm pơpuh lê̆ đĭ lu bơngai pơjâu krao bơhngol bơngai lôch păng lu pơjâu tơwir, lu rup yang kơdih rim hnam păng lu rup yang hăm đĭ-đăng lu tơdrong kơnê̆ 'mê̆-'mach mă Kră Yang areh đei 'bôh lăm char Juđa păng tơ Pơlei Jêrusalem, wă pơm kiơ̆ kơjăp tơdrong juăt đei chih bơih lăm sơ̆p hla bơar mă 'bok soi Hilkia đei chă 'bôh đơ̆ng lăm hnam akŭm kơkuh kơ Kră Yang.

I Ho 1:14

Jêbus, Amôrit, Girgasit,

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Êsêkiên 16:3

Kră Yang Tih Hloh khan: ‘Khan bĕ kơ Jêrusalem thoi âu: Anih tơm rơh tơpŭ kơ ih đơ̆ng dêh char Kanaan, 'bă ih bơngai Amôrit, mĕ ih bơngai Hêtit.

Êsêkiên 16:45

Ih boih kon drŏ-kăn mĕ ih, bơngai hŭt tŭk lê̆ kon klo; ih jing oh kơ lu mŏ oh ih, bơngai mă hŭt tŭk lê̆ kon klo sư; mĕ ih bơngai Hêtit, 'bă ih bơngai Amôrit,

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Êsêkiên 5:6

Isơrael ưh kơ chu blah plơ̆ khôi juăt păng nơ̆r Inh tơtă pơm kơnê̆ hloh kơ lu bơngai nai păng lu dêh char jum dăr kơ sư. Sư sơngah kơ khôi juăt Inh păng ưh kơ pơm kiơ̆ nơ̆r Inh tơtă.”