II Pot 20:19 - Sơ̆p Hlabơar Nơ̆r 'Bok Kei-Dei

¹⁹ Hesekia tơl Êsai: “Nơ̆r Kră Yang mă ih tơbăt noh 'lơ̆ng dêh.” Yua kơ Hesekia tơchĕng: “Huay ôh kư̆ kơ lăm chăl arih inh, đei hiôk rơnŭk păng hơdơ̆ng kơjăp.

II Pot 20:19 ပူးပေါင်းရင်းမြစ်များ

I Pot 11:12

Mă-lei yua kơ Đawit 'bă ih, na Inh ưh kơ pơm ôh tơdrong 'nâu kơplah chăl ih dang ei, Inh gô hek teh đak 'nâu đơ̆ng tơpang ti kon drŏ-nglo ih.

I Pot 2:38

Simei tơl: “Nơ̆r ih pơkă 'noh 'lơ̆ng dêh, ih pơtao yŏng inh pơkă khan tơdrong kiơ, inh đĭch đam ih gô pơm kiơ̆ thoi noh.” Thoi noh Simei oei hloi tơ pơlei Jêrusalem đunh năr.

II Pot 20:20

Dôm lu tơdrong hơ'mon nai gah Hesekia, tơdrong pơgơ̆r, tơdrong sư man pơm đak dơnâu păng pơm hơbong pơro đak tơmơ̆t lăm pơlei, đe đei chih tơ lăm sơ̆p hla bơar hơ'mon gah lu pơtao đe Juđa?

II Pot 22:20

'Noh, inh gô iŏk ih brŏk hơdai tơ lu yă 'bok ih; păng đe gô 'bŭ ih lăm bơsat hăm tơdrong hiôk-hian, păng măt ih gô ưh kơ 'bôh tơdrong răm truh mă inh wă tơjruh 'bơ̆t anih teh 'nâu.” Na lu sư brŏk roi ăn kơ pơtao dôm lu nơ̆r noh.

Esther 9:30

Morđêkai gơih ăn hla bơar lu kơthơ âu kơ đĭ-đăng adrĕch Juđa, oei lăm minh-hrĕng 'bar-jĭt tơpơh tŏ char lăm dêh char pơtao Asêrus pơgơ̆r; bre sư chih hăm nơ̆r rơngơp hăm tơdrong tơpă,

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Nhom 3:22

Noh jơ̆ tơdrong mơnat đơ̆ng Kră Yang. Na lu bơ̆n oei arih, tơdrong 'mêm Sư ưh kơ đei layơ tôch;

Nhom 3:39

Yua kơ kiơ mă bơngai oei arih oei jŏk roi, yua kơ pŭ phak đơ̆ng tơdrong yoch sư kơdih.

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Luka 2:10

Linh jang 'lơ̆ng khan kơ lu sư: “Iĕm 'nĕ kơ hli, yua kơ inh wă roi kơ iĕm tơdrong 'lơ̆ng, tơdrong mă đĭ-đăng kon bơngai 'nă hal.

Luka 2:14

“Ư-ang kơ 'Bok Kei-Dei mă oei tơ plĕnh ti. Sư wă ăn hiôk-hian kơ lu bơngai mă Sư lăp đon tơ ala teh âu.”

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!