II Pot 20:15 - Sơ̆p Hlabơar Nơ̆r 'Bok Kei-Dei

¹⁵ Êsai khan: “Ih ăn kơ lu sư lăng kiơ tơ hnam pơtao ih?” Hesekia tơl: “Lu sư lăng tôm bơih tơmam lăm hnam inh. Inh tơhlâu tơ'bôh ăn kơ lu sư lăng đĭ-đăng tôm tơmam lăm hnam inh mong, pă đei lon kiơ bơih.”

II Pot 20:15 ပူးပေါင်းရင်းမြစ်များ

II Pot 20:13

Hesekia kơtơ̆ng lu đe ei roi, sư hiôk dêh, na sư chông lu đe ei năm lăng anih mong tơmam sư, maih, hu, tơmam 'bâu phu rơmă ôliwơ gĭt păng lăng anih mong tơmam tơblah păng lăng tôm tơmam lăm hnam sư mong noh. Sư ăn lu đe ei lăng đĭ-đăng tôm tơmam lăm hnam sư păng tôm tơmam lăm dêh char sư đei, sư ăn kơ lu đe ei lăng đĭ, ưh kơ lon minh pôm tơmam kiơ.

II Pot 20:14

Na Êsai bơngai khan lê̆ adrol năm tơ pơtao Hesekia păng jet sư: “Lu bơngai noh, roi tơdrong kiơ păng lu sư đơ̆ng dêh char ayơ mă năm truh tơ âu?” Hesekia tơl: “Lu sư đơ̆ng dêh ataih, đơ̆ng char Babilôn.”

II Pot 20:16

Na Êsai khan kơ Hesekia thoi âu: “Mơ̆ng bĕ nơ̆r Kră Yang khan:

Jop 31:33

Inh ưh kơ đei ôn tơdrong yoch inh thoi Ađam. Na 'bŭ ôn tơdrong yoch kơnê̆ lăm jơhngơ̆m.

Horiso 62:11

Kră Yang 'Bok Kei-Dei đei khan, thoi âu: Inh kơtơ̆ng 'bar wơ̆t tơdrong mơsêh noh Kră Yang 'Bok Kei-Dei.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Je 9:22

Kră Yang khan thoi âu: “Akâu lu bơngai lôch pơ̆k boih tơ lăm chŭn, thoi đe tuh mơ̆r kơ teh, thoi hơie 'ba huŏng đơ̆ng rŏng kơ đe yuă, ưh kơ đei bu wă dônh akŭm lu sư.”

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.