II Pot 20:14 - Sơ̆p Hlabơar Nơ̆r 'Bok Kei-Dei

¹⁴ Na Êsai bơngai khan lê̆ adrol năm tơ pơtao Hesekia păng jet sư: “Lu bơngai noh, roi tơdrong kiơ păng lu sư đơ̆ng dêh char ayơ mă năm truh tơ âu?” Hesekia tơl: “Lu sư đơ̆ng dêh ataih, đơ̆ng char Babilôn.”

II Pot 20:14 ပူးပေါင်းရင်းမြစ်များ

II Pot 20:13

Hesekia kơtơ̆ng lu đe ei roi, sư hiôk dêh, na sư chông lu đe ei năm lăng anih mong tơmam sư, maih, hu, tơmam 'bâu phu rơmă ôliwơ gĭt păng lăng anih mong tơmam tơblah păng lăng tôm tơmam lăm hnam sư mong noh. Sư ăn lu đe ei lăng đĭ-đăng tôm tơmam lăm hnam sư păng tôm tơmam lăm dêh char sư đei, sư ăn kơ lu đe ei lăng đĭ, ưh kơ lon minh pôm tơmam kiơ.

II Pot 20:15

Êsai khan: “Ih ăn kơ lu sư lăng kiơ tơ hnam pơtao ih?” Hesekia tơl: “Lu sư lăng tôm bơih tơmam lăm hnam inh. Inh tơhlâu tơ'bôh ăn kơ lu sư lăng đĭ-đăng tôm tơmam lăm hnam inh mong, pă đei lon kiơ bơih.”

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Tơdrông Pơđơk 25:12

Bơngai hơgei chrih kơ đon bơngai oei mơ̆ng. Thoi gŏp maih, tơmam đe pơguăng păng maih ling.

Êsai 13:5

Lu sư truh đơ̆ng dêh char ataih, đơ̆ng tôch kơ plĕnh teh. Kră Yang păng lu tơmam tơblah, Sư yua lăm tơdrong Sư hil mĭl wă pơrăm đĭ teh âu.

Êsêkiên 23:23

Lu bơngai Babilôn, đĭ-đăng lu bơngai Kalđê, đơ̆ng lu pơlei Pêkôt, Soa păng Koa, păng đĭ-đăng lu bơngai Asiri, hơdai hăm lu sư, tơdăm 'lơ̆ng hơbŏ. Đei lu yŏng pơgơ̆r, yŏng lu linh, lu linh hao aseh, lu linh gre aseh, đĭ-đăng lu sư hao aseh.

Jo 22:9

Kră Yang 'Bok Kei-Dei năm tơ Balaam păng khan thoi âu: Lu đe bu lăm hnam ih?

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.

Jôsuê 9:6

Lu sư năm truh tơ Jôsuê lăm anih tơ Gilgal. Lu sư khan pơma hăm Jôsuê păng lu bơngai Isơrael: Lu nhôn bơngai đơ̆ng dêh ataih, na dang ei apinh lu iĕm hăm bơ̆n pơgơ̆p băl.

Jôsuê 9:9

Lu sư tơl, lu đĭch đam ih âu đơ̆ng dêh ataih kơtơ̆ng ang kơ anăn Kră Yang 'Bok Kei-Dei ih, yua kơ lu nhôn đei kơtơ̆ng boih đe roi gah Kră Yang păng tôm tơdrong Kră Yang hlôi pơm boih lăm char Êyiptơ.