II Pot 20:13 - Sơ̆p Hlabơar Nơ̆r 'Bok Kei-Dei

¹³ Hesekia kơtơ̆ng lu đe ei roi, sư hiôk dêh, na sư chông lu đe ei năm lăng anih mong tơmam sư, maih, hu, tơmam 'bâu phu rơmă ôliwơ gĭt păng lăng anih mong tơmam tơblah păng lăng tôm tơmam lăm hnam sư mong noh. Sư ăn lu đe ei lăng đĭ-đăng tôm tơmam lăm hnam sư păng tôm tơmam lăm dêh char sư đei, sư ăn kơ lu đe ei lăng đĭ, ưh kơ lon minh pôm tơmam kiơ.

II Pot 20:13 ပူးပေါင်းရင်းမြစ်များ

I Pot 10:10

Yă pơtao ăn kơ pơtao Sôlômôn minh-hrĕng 'bar-jĭt talâng (kĭ) maih, ăn lơ 'long pơgang 'bâu phu păng lu tơmo gĭt. Ưh tam đei bu chĕp 'long pơgang 'bâu phu lơ dang yă pơtao dêh Sêba chĕp ba ăn kơ pơtao Sôlômôn.

I Pot 10:15

Ưh kơ jô̆ maih iŏk đơ̆ng lu bơngai mơdro păng đơ̆ng lu anih tĕch mơdro hăm lu teh đak 'nguaih, đơ̆ng đĭ lu pơtao dêh Arơ̆p păng đơ̆ng lu yŏng pơgơ̆r tơ rim char chĕp ba ăn kơ sư.

I Pot 10:2

Yă pơtao sư truh tơ pơlei Jêrusalem hơdai hăm lơ bơngai lơ aseh lăk-đa chơ pơgang 'bâu phu, đei maih lơ păng lu tơmo gĭt kư̆m lơ. Lăp sư năm truh tơ Sôlômôn bơih, sư roi kơ pơtao Sôlômôn dôm đon sư tơchĕng wă jet 'noh.

I Pot 10:25

Rim sơnăm, bu năm kư̆m chĕp ba tơmam pơyơ̆r ăn kơ pơtao, mơ'nah pơm păng hu mơ'nah pơm păng maih, hơbĕn ao, đao hơlă, đak pơgang 'bâu phu, aseh, aseh iĕ.

II Pot 20:14

Na Êsai bơngai khan lê̆ adrol năm tơ pơtao Hesekia păng jet sư: “Lu bơngai noh, roi tơdrong kiơ păng lu sư đơ̆ng dêh char ayơ mă năm truh tơ âu?” Hesekia tơl: “Lu sư đơ̆ng dêh ataih, đơ̆ng char Babilôn.”

II Pot 20:15

Êsai khan: “Ih ăn kơ lu sư lăng kiơ tơ hnam pơtao ih?” Hesekia tơl: “Lu sư lăng tôm bơih tơmam lăm hnam inh. Inh tơhlâu tơ'bôh ăn kơ lu sư lăng đĭ-đăng tôm tơmam lăm hnam inh mong, pă đei lon kiơ bơih.”

Horiso 62:11

Kră Yang 'Bok Kei-Dei đei khan, thoi âu: Inh kơtơ̆ng 'bar wơ̆t tơdrong mơsêh noh Kră Yang 'Bok Kei-Dei.

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Êsai 39:2

Hesekia hiôk sơng iŏk lu sư, na sư ăn năm lăng lăm hnam pơtao, anih lê̆ tơmam gĭt thoi kơ: Hu, maih, pơgang 'bâu phu, đak plei ôliwơ gĭt hăm năm lăng anih 'măn lu tơmam tơblah păng dôm lu tơmam gĭt lăm anih hnam sư, mă tơmam kiơ kiơ lăm anih pơtao păng lăm jơ̆p kơ dêh char pơtao sư, ưh kơ đei minh pôm tơmam yă kiơ mă Hesekia ưh kơ ăn kơ lu bơngai tang măt ăn kơ dêh char Babilôn lăng.

Je 9:22

Kră Yang khan thoi âu: “Akâu lu bơngai lôch pơ̆k boih tơ lăm chŭn, thoi đe tuh mơ̆r kơ teh, thoi hơie 'ba huŏng đơ̆ng rŏng kơ đe yuă, ưh kơ đei bu wă dônh akŭm lu sư.”